Popular Bible Verses from Acts 20

Share

Кашәӈ верән ма нынана этәԓтысԓам, щиты рупитман, вевԓы хŏйатәта ԋŏтты мосәԓ пӑ Турәм Куща Иисус йасӈәт нумты мосәԓ, Ԓўв йастәс: 'Ўты эԓты, мӑты йӑмшәк'».

Туп ма нэмәԓты пеԓа ӑт ӑӈкәртыԓәм пӑ ма ԓыԓэм ӑт шавиԓэм, туп, амәтман, ԓўԓән мӑ йушем мӑнты пӑ Турәм Кущайән Иисусән мийәм ма верэм йэтшәптәты ат верәтсэм, Йӑм Айкеԓ Турәм йӑм эԓты пŏтәртты.

Щиӈәԋща, нынан ватман тӑйаԓән пӑ хŏйат тащ аратәԓән па, хŏта Йэмәӈ Ԓыԓ нынан ŏха пŏтсәԓы, Турәм Куща пӑ Турәм ӑктәщиты мŏхиԓаԓ нын такан ат шависԓән, Ԓўв кӑԓэԓ сӑхат мŏщатәм пойәкщәты мŏхиԓаԓ.

Пӑ ин нынан, хӑнам йох, Турма пӑ Ԓўв йӑмәԓ эԓты уԓты йасӈа эвԓәптәԓԓам, хŏй нынан утәԓтәты пӑ нынана Ԓўв йэмәӈ мирәԓ кўтән ŏх вŏԓ мӑты верәтәԓ.