Popular Bible Verses from Acts 14

Share

«Йох! Мўй нын верԓәты? Мин па – нын хŏрпан хŏйатӈән, пӑ нынана Йӑм Айкеԓ пŏтәртԓәмән, нын тӑм йурԓы ԓуӈхәт эԓты Ԓыԓәӈ Турәм пеԓа ат керԓәсты, Хŏй турәм хӑр пӑ мўв, пӑ щарәс, пӑ хŏԓ щит, мўй ԓыпиԓаԓән уԓ тыйәԓтәс

Ԓўв Павел пŏтрәпса хуԓәнтәс. Павел ԓўв пеԓайәԓ ӑӈкәрмаԓ йўпийән, кащаԓәсԓы, ԓўв тўмтака йиты кеша эвәԓты щир тӑйәԓ, сыйәӈ тўрән йастәс: «Нӑӈена йастәԓәм Турәм Куща Иисус Христос нэм урәӈән: нӑӈ кўрӈиԓана тўӈа нŏх ԓойа». Щӑԓта ԓўв и щишән нŏх ԓойәмтәс пӑ шушиԓыты питәс.

Павел пӑ Варнава кашәӈ пойәкщәты хŏйатәт ӑктәщиты щир кеша уна уԓты йох пŏтсәӈән пӑ, вўщԓыман пойәкщәсӈән пӑ Турәм Кущайа мӑсԓән, Хойа ԓыв эвәԓсәт.