Popular Bible Verses from သုၵ်ႉတၢမ်ႇ 9

တၢင်း​ဢၼ်​ၵူဝ်​ႁႄ​ထႃႇဝရႃႉ​ၽြႃး​ၼၼ်ႉ ပဵၼ်​ၵေႃႇ​ၸႃႉ​ႁူဝ်​ပိုင်း​ပိင်ႇ​ၺႃႇ​လႄႈ တၢင်း​ဢၼ်​ႁူႉ​ၸၵ်း​ၽြႃး​ဢၼ်​မူတ်း​ၸၢင်ႇ​ၼၼ်ႉ ပဵၼ်​ၺၢၼ်ႇ​ဢေႃႈ။

ယႃႇ​ပေ​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ တီႈ​ၵူၼ်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ။ မၼ်း​တၵ်း​ၸင်း​မႂ်း​ဢေႃႈ။ ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ တီႈ​ၵူၼ်း​ဢၼ်​မီး​ပိင်ႇ​ၺႃႇ​ၼၼ်ႉ​တႃႉ။ မၼ်း​တၵ်း​ႁၵ်ႉ​မႂ်း​ဢေႃႈ။

ပေႃး​သုင်း​မႃႉ​ပၼ်​တီႈ​ၵူၼ်း​ဢၼ်​မီး​ပိင်ႇ​ၺႃႇ​ၼၼ်ႉ​ၸိုင် မၼ်း​ယဵင်ႈ​ၶႅၼ်း​တၵ်း​မီး​ပိင်ႇ​ၺႃႇ​လႄႈ၊ ပေႃး​သင်ႇ​သွၼ်​ပၼ်​တီႈ​ၵူၼ်း​ဢၼ်​သိုဝ်ႈ​တေႃႇ​ၼၼ်ႉ​ၸိုင်၊ မၼ်း​ယဵင်ႈ​ၶႅၼ်း​တၵ်း​ယႂ်ႇ​ၽႄႈ​တူဝ်း​တွၼ်း​မႃး ၼႂ်း​တၢင်း​ဢၼ်​ႁူႉ​ဢၼ်​ၸႅင်ႈ​ဢေႃႈ။

လွင်ႈ​မၼ်း​ၸမ်ႉ ၵွပ်ႈ​ပိူဝ်ႈ​ၵဝ်​လႄႈ၊ မိုဝ်ႉ​ဝၼ်း​မႂ်း​တၵ်း​ၼမ်​မႃး​လႄႈ၊ ၶူပ်ႇ​ပီႊ​ဢသၢၵ်ႈ​မႂ်း​တၵ်း​ယႂ်ႇ​ၽႄႈ​တူဝ်း​တွၼ်း​မႃး​ဢေႃႈ။

ၵေႃႉ​ဢၼ်​သင်ႇ​သွၼ်​သုင်း​မႃႉ​ပၼ် တီႈ​ၵူၼ်း​ဢၼ်​ႁဵတ်း​ဢမ်ႇ​ပေႃး​ၼင်ႇ​ႁိုဝ်​ယူႇ​ၼၼ်ႉ တၵ်း​လႆႈ​ၶၢမ်ႇ​တၢင်း​ဢၼ်​ဢူၵ်း​ဢၼ်​ဢၢႆ​လႄႈ ၵေႃႉ​ဢၼ်​ၽုၺ်ႇ​ဢွၵ်ႇ​ၼႄ​ပျႃး​ဢပႅတ်ႈ တီႈ​ၵူၼ်း​ဢၼ်​ႁုၵ်း​ဢၼ်​ႁၢႆႉ​ၼၼ်ႉ လႆႈ​ၶၢမ်ႇ​တၢင်း​ဢၼ်​သႄႉ​ဢၼ်​သွမ်း​ဢေႃႈ။