Popular Bible Verses from သုၵ်ႉတၢမ်ႇ 4

လိူဝ်​တွၼ်း​ၼႃႇ​သေ​တၢင်း​ဢၼ်​ပႂ်ႉ ၵူႈ​ၸိူဝ်ႉ​ၵူႈ​ပိူင်​ၼၼ်ႉ ယဵင်ႈ​ၶႅၼ်း​ပႂ်ႉ ႁူဝ်​ၸႂ်​မႂ်း​ၼၼ်ႉ​ယူႇ​ၼႃႇ​ၼႃႇ ၵွပ်ႈ​ပိူဝ်ႈ​ဢၼ်​မၼ်း​ပဵၼ်​ငဝ်ႈ​ပဵၼ်​ႁၢၵ်ႈ ဢသၢၵ်ႈ​ၼၼ်ႉ​တႃႉ။

ၶႆႈ​ၸႂ်​လူၺ်ႈ​သဵၼ်ႈ​တၢင်း​ဢၼ်​တိၼ်​မႂ်း​ၵႂႃႇ​ၼၼ်ႉ လီ​လီ​ငၢမ်း​ငၢမ်း​လႄႈ ႁႂ်ႈ​သဵၼ်ႈ​တၢင်း ၵႃႈ​ဢၼ်​မႂ်း​ၵႂႃႇ​ၼၼ်ႉ မီး​တၢင်း​ဢၼ်​တႄႇ​ၼိမ်​ယူႇ​တႃႉ။

ဝႄႈ​ပႅတ်ႈ​သူပ်း​ဢၼ်​ၸၢင်ႈ​ၵူတ်ႉ​ၸၢင်ႈ​ငွၵ်း​ၼၼ်ႉ​လႄႈ ပႄႇ​ပႅတ်ႈ​သီႇ​သူပ်း​ဢၼ်​ၸၢင်ႈ​ပႅတ်ႉ​ၸၢင်ႈ​လႅၼ်​ၼၼ်ႉ​ၵႆ​ၵႆ​တႃႉ။

ပိင်ႇ​ၺႃႇ​ပဵၼ်​လွင်ႈ​တၢင်း​ဢၼ်​မျၢတ်ႈ​ၼႃႇ​သေ​ပိူၼ်ႈ​ဢေႃႈ။ ၸူႉ​သိမ်း​ပိင်ႇ​ၺႃႇ​ဝႆႉ​တႃႉ။ ၼႂ်း​ဢုၵ်ႉ​ၸႃႇ​ၵႃႈ​ဢၼ်​ၸူႉ​သိမ်း​ဝႆႉ​ၼၼ်ႉ၊ ၸူႉ​သိမ်း​ၺၢၼ်ႇ​ဝႆႉ​တႃႉ။

သဵၼ်ႈ​တၢင်း​ၶဝ်​ၸိူဝ်း​ဢၼ်​သိုဝ်ႈ​တေႃႇ​ၼၼ်ႉ ပဵၼ်​ၸိူဝ်ႉ​ၼင်ႇ​ဢႃႇရူင်ႇ​ဢၼ်​ၶိုၼ်ႈ​မႃး​လႄႈ ၸၢင်ႈ​ႁိူဝ်ႈ​လႅင်း​ယႂ်ႇ​မႃး​ယူႇ​တိၵ်း​တိၵ်း တေႃႇ​ထိုင်​ႁွတ်ႈ​ၵၢင်​ဝၼ်း ထၼ်ႈ​ပေႃး​ဢွၵ်ႇ​ၼၼ်ႉ​ဢေႃႈ။- သဵၼ်ႈ​တၢင်း​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ပဵၼ်​ၸိူဝ်ႉ​ၼင်ႇ​လပ်း​သိင်ႇ​ၽိတ်း​ၽိတ်း​ၼၼ်ႉ​လႄႈ၊ မိူဝ်ႈ​ဢၼ်​ၶဝ်​လူမ်ႉ​ၸိုင်၊ ၶဝ်​ဢမ်ႇ​ႁူႉ လွင်ႈ​ဢၼ်​ၶဝ်​ၶီႈ​လိုတ်း​မႅၼ်ႈ​ၵႃႈ​သင်​ၼၼ်ႉ။

ယႃႇ​ပေ​ၸုၼ်ႉ​ပေ​ပႅတ်ႈ​မၼ်း။ မၼ်း​တၵ်း​ပႂ်ႉ​ထိင်း​မႂ်း​ယူႇ​ဢေႃႈ။ ႁၵ်ႉ​ပႅင်း​မၼ်း​တႃႉ။ မၼ်း​တၵ်း​ပႂ်ႉ​ၸွႆႈ​ပႂ်ႉ​ထႅမ်​မႂ်း​ယူႇ​ဢေႃႈ။

ယိပ်း​ၵမ်​တၢင်း​ဢၼ်​သင်ႇ​သွၼ်​ပၼ်​ၼၼ်ႉ​တႃႉ။ ယႃႇ​ပေ​ပွႆႇ​ပေ​ၽႃႈ။ ပႂ်ႉ​ဝႆႉ​တႃႉ။ မၼ်း​ပဵၼ်​ဢသၢၵ်ႈ​မႂ်း​ဢေႃႈ။

ယႃႇ​ပေ​ၶဝ်ႈ​ၵႃႈ​ၼႂ်း​သဵၼ်ႈ​တၢင်း​ၶဝ် ၸိူဝ်း​ဢၼ်​ဢမ်ႇ​တြႃး​ၼၼ်ႉ။ ယႃႇ​ပေ​ၸွမ်း​ၵႂႃႇ​ၸွမ်း​ပႆ ၵႃႈ​ၼႂ်း​သဵၼ်ႈ​တၢင်း​ၶဝ် ၸိူဝ်း​ဢၼ်​ႁၢႆႉ​ဢၼ်​ႁုၵ်း​ၼၼ်ႉ။

လုၵ်ႈ​ၸၢႆး​ၵဝ်​တင်း​လၢႆ​ၶဝ်​ဢိူၺ်း၊ ဢွၼ်​ၵၼ်​ထွမ်ႇ​ဢဝ်​တၢင်း​ဢၼ်​ပေႃႈ​သင်ႇ​သွၼ်​ပၼ်​ၼၼ်ႉ​လႄႈ ဝၢႆႇ​ႁူ​ၸူး​ႁႂ်ႈ​လႆႈ​ႁူႉ​လႆႈ​ၸႅင်ႈ​ၺၢၼ်ႇ​တႃႉ။