Popular Bible Verses from ၽီႉလိပ်ႉပီႉ 2

Share

ယႃႇ​ပေ​မီး​ၸႂ်​ဢၼ်​ၶႆ​ၽိတ်း​ၵၼ်၊ ၸႂ်​ဢၼ်​ၸပ်း​ဢၼ်​ၸွႆး​တၢင်း​ဢၼ်​ၶႆႈ​သႃႇ​ႁၢဝ်ႈ ႁူင်​ႁၢင်း​ဢၼ်​လၢႆ​လၢႆ ဢမ်ႇ​ပွင်ႇ​လွင်ႈ​ၼၼ်ႉ သေ​လႄႈ ႁဵတ်း​လွင်ႈ​တၢင်း​သေ​ၸိူဝ်ႉ​သေ​ပိူင်၊ မီး​ႁူဝ်​ၸႂ်​ဢၼ်​ၶျႃး​တႅမ်ႇ​သေ​လႄႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ် မၢတ်ႈ​တီႈ​ၵၼ်​လႄႈ​ဝႃႈ၊ ပိူၼ်ႈ​တၢင်ႇ​ၵေႃႉ​မျၢတ်ႈ​လီ​သေ​တူဝ်​ၸဝ်ႈ​ၵဝ်ႇ​ဢေႃႈ​၊ ဝႃႈ​ၼင်ႇ​ၼႆ​တႃႉ။- ယင်း​ဢမ်ႇ​တူၺ်း​ဢမ်ႇ​မၢတ်ႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း တူဝ်​ၸဝ်ႈ​ၵဝ်ႇ​ၼၼ်ႉ​ၵူၺ်း​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​တူၺ်း​မၢတ်ႈ​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း​ပိူၼ်ႈ​တၢင်ႇ​ၵေႃႉ​ၼၼ်ႉ​တႃႉ။

ႁႂ်ႈ​ၸႂ်​သၽေႃး​ဢၼ်​မီး​ၼႂ်း​ၸဝ်ႈ​ၶရိၸ်ႈ​ၼၼ်ႉ၊ မီး​ၼႂ်း​သူ​တႃႉ။

ၸဝ်ႈ​ၼၼ်ႉ​ပိၵ်ႉ​သမ်ႉ​ပျေႉ​ၸုမ်ႇ​တင်း ပုင်ႇ​ႁၢင်ႈ​ၽြႃး​ပဵၼ်​ၸဝ်ႈ​ယူႇ​သေ​လႄႈ ဢမ်ႇ​ထၢင်ႇ​ဢမ်ႇ​မၢတ်ႈ​လွင်ႈ​တၢင်း​ဢၼ် တႅၵ်ႈ​တိူင်း​ၵၼ်​တင်း​ၽြႃး​ပဵၼ်​ၸဝ်ႈ​ၼၼ်ႉ ပဵၼ်​လွင်ႈ​တၢင်း​ဢၼ်​ႁိမ်​ဢဝ်​ၼၼ်ႉ​သေ​ၵေႃႈ၊- ၸုၼ်ႉ​ပႅတ်ႈ​မုၼ်​သရေႇ​တူဝ်​ၸဝ်ႈ​ၵဝ်ႇ​သေ​ယဝ်ႉ၊ ဢဝ်​ပုင်ႇ​ႁၢင်ႈ​ၶႃႈ​လႄႈ ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​မႃး မိူၼ်​ၸိူဝ်ႉ​ၼင်ႇ​ၵူၼ်း​ဢေႃႈ။- ပျေႉ​ၸုမ်ႇ​တင်း​လၢၵ်ႈၶၼႃႇ​ဢၢင်ႇ​ၵႃႇ​ၵူၼ်း ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ၶၢမ်ႇ​ႁဵတ်း​ၶႃႈ​လႄႈ​ၶျႃး​တူဝ်​ၸဝ်ႈ​ၵဝ်ႇ​တူၵ်း​တႅမ်ႇ တေႃႇ​ထိုင်​ႁွတ်ႈ တၢင်း​ဢၼ်​ၶၢမ်ႇ​တၢႆ​ၵူၺ်း​ဢမ်ႇ​ၸႂ်ႈ၊ တေႃႇ​ထိုင်​ႁွတ်ႈ​တၢင်း​ဢၼ်​ၶၢမ်ႇ​တၢႆ ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​ၼၼ်ႉ​ဢေႃႈ။

လွင်ႈ​မၼ်း​ၸမ်ႉ ၵေႃႉ​ဢၼ်​ပႃး​တင်း​ၸေႇတၼႃႇ​ၸဝ်ႈ ပွင်​ႁဵတ်း​ၵႃႈ​ၼႂ်း​သူ​ႁႂ်ႈ​သူ​လႆႈ​မီး​ဢလူဝ်ႇ ဢိၵ်ႇ​တင်း ႁႂ်ႈ​သူ​လႆႈ​ၵမ်​ၵျၢင်ႉ​ၼၼ်ႉ​ၸမ်ႉ၊ ပဵၼ်​ၽြႃး​ပဵၼ်​ၸဝ်ႈ​ဢေႃႈ။

ၵွပ်ႈ​ပိူဝ်ႈ​ႁွႆး​ၼႆႉ​လႄႈ၊ ၽြႃး​ပဵၼ်​ၸဝ်ႈ​ယုၵ်ႉ​ယွင်ႈ​မၼ်း​ၸဝ်ႈ​ၼႃႇ​လူင်​လၢင်​လႄႈ ဢဵတ်း​လူ​ပၼ် ၼႃႇ​မႃႉ​ၸိုဝ်ႈ​သဵင် ဢၼ်​ယႂ်ႇ​မျၢတ်ႈ​ၼႃႇ​သေ​ၼႃႇ​မႃႉ​ၸိုဝ်ႈ​သဵင် တင်း​သဵင်ႈ​တင်း​လူင်​ဢေႃႈ။- လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​သတ်ႉတဝႃႇ​ၵၢင်​ႁၢဝ်၊ သတ်ႉတဝႃႇ​လိၼ်​မိူင်း၊ သတ်ႉတဝႃႇ​ဢၼ်​မီး​တႂ်ႈ​လိၼ်​မိူင်း၊ သတ်ႉတဝႃႇ​ၵႃႈ​မီး​တင်း​သဵင်ႈ​တင်း​လူင် တၵ်း​ၶုပ်ႉ​ၶဝ်ႇ​ၵႃႈ​တီႈ​ၼႃႇ​မႃႉ​ၸိုဝ်ႈ​သဵင်​ ယေႇသူႉ​ၶရိၸ်ႈ ​လႄႈ၊- ဢဝ်​တင်း​သူပ်း ႁပ်ႉ​တုင်း​ဢဝ်​လႄႈ​ဝႃႈ၊ ယေႇသူႉ​ၶရိၸ်ႈ ​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ႁႂ်ႈ​မုၼ်​သရေႇ​ၽြႃး​ပေႃႈ​ၸဝ်ႈ​ထၢင်ႇ​သႃး​မႃး​ၸိုင်​၊ ၸင်ႇ​ပဵၼ်​ဢေႃႈ။

ယင်း​ဢမ်ႇ​မီး​တၢင်း​ဢၼ်​ပွင်ႉ​ဢၼ်​ဝႃႈ၊ တၢင်း​ဢၼ်​တွပ်ႇ​ဢၼ်​ထဵင်​လႄႈ ႁဵတ်း​ၵႃႈ​ဢၼ်​သူ​ပွင်​သူ​ႁဵတ်း​ၼၼ်ႉ​တႃႉ။- ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ သူ​ယင်း​ဢမ်ႇ​မီး​တီႈ​တၵ်း​တၢင်ႇ​ဢပႅတ်ႈ၊ ဢမ်ႇ​ၽိတ်း​ပိူင်ႈ​ၽူႈ​လႂ်​သေ​ၵေႃႉ​သေ​ၵူၼ်း​ယူႇ သေ​လႄႈ တၵ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ ဢၼ်​ဢမ်ႇ​ပႃး​ဢပႅတ်ႈ​ၵႃႈ​သင် ၼႂ်း​မဵဝ်း​ၵူၼ်း​ဢၼ်​ဢမ်ႇ​သိုဝ်ႈ​ဢမ်ႇ​တေႃႇ​လႄႈ ၸၢင်ႈ​ၽွၵ်ႈ​ၸၢင်ႈ​ပျၢၼ်ႇ​ၼႆႉ​ဢေႃႈ။ သူ​ၼႄ​ပျႃး​ၼုၵ်ႈၵပၢတ်ႈ​တြႃး​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ဢသၢၵ်ႈ​လိပ်း​ၼၼ်ႉ​ယူႇ​သေ​လႄႈ ႁိူဝ်ႈ​လႅင်း​ယူႇ ၵႃႈ​ၼႂ်း​ၵူၼ်း​မဵဝ်း​ၼႆႉ မိူၼ်​ၸိူဝ်ႉ​ၼင်ႇ​ၵၢင်​ဝၼ်း၊ လိူၼ်၊ လၢဝ်​ဢၼ်​မီး​ၼႂ်း ၸၵျႃႇဝလႃႇ​ၼႆႉ​ဢေႃႈ။

ပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼၼ်​လႄႈ ၵေႃႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ ၸိူဝ်ႉ​ၼင်ႇ​ဢၼ်​သူ​ထွမ်ႇ​ဢဝ်​တႂ်ႈ​တႃ​ၵဝ်​ၼၼ်ႉ​ၵူၺ်း ဢမ်ႇ​ၵႃး၊ လပ်ႉ​လင်​ၵဝ်​ၵေႃႈ​သူ​ထွမ်ႇ​ဢဝ်​ယူႇ​သေႇ​သေႇ​ၼၼ်ႉ မီး​တၢင်း​ၸႂ်​ဢၼ်​ၵူဝ်​ႁႄ​သၼ်ႇ​ဝႆ​ယူႇ​သေ​လႄႈ ဢွၼ်​ၵၼ်​ၵႆႉ​ၵျူဝ်း​ၸႃး ႁႂ်ႈ​လႆႈ​ၵႄႇ​ၶျွတ်ႈ​ဢဝ်​တူဝ်​ၸဝ်ႈ​ၵဝ်ႇ​တႃႉ။