Popular Bible Verses from ဢေႃးပတီႉ 1

Share

ၵႃႈ​ၼိူဝ်​လွႆ​ ၸီႉဢုၼ်ႇ ​ၼၼ်ႉ တၵ်း​မီး​ၶဝ်​ၸိူဝ်း​ဢၼ် လွတ်ႈ​ၽေး​ၵမ်ႈ​ၽွင်ႈ​လႄႈ တီႈ​ၼၼ်ႈ တၵ်း​ပဵၼ်​တီႈ​ဢၼ် မူတ်း​ၸၢင်ႇ​ဢေႃႈ။ မဵဝ်း​ ယႃႇၵုပ်ႈ ​ၼၼ်ႉ တၵ်း​လႆႈ ပိူင်ႇ​ဢဝ်​လိၼ် ဢၼ်​ၶဝ်​ထိူၵ်ႈ​ပိူင်ႇ​ၼၼ်ႉ​ဢေႃႈ။

လွင်ႈ​မၼ်း​ၸမ်ႉ မိုဝ်ႉ​ဝၼ်း​ထႃႇဝရႃႉ​ၽြႃး​ၼၼ်ႉ ၸမ်​ၵၼ်​တင်း​ၵူၼ်း ၵူႈ​ၸိူဝ်ႉ​ၵူႈ​မဵဝ်း​ယဝ်ႉ။ ၸွမ်း​ၵႃႈ​ၼင်ႇ​ဢၼ် မႂ်း​ႁဵတ်း​ၼၼ်ႉ​သေ​လႄႈ ပိူၼ်ႈ​တၵ်း​ႁဵတ်း တီႈ​မႂ်း​ဢေႃႈ။ ဢမူႉ​ဢၼ်​မႂ်း​ႁဵတ်း​ၼၼ်ႉ တၵ်း​လႆႈ​ၶိုၼ်း​ႁွတ်ႈ​ထိုင် ၵႃႈ​တီႈ​ၼိူဝ်​ႁူဝ်​မႂ်း​ဢေႃႈ။

မႂ်း​ဢၼ်​ယူႇ​ၼႂ်း​ၵႄႈ မၢၵ်ႇ​ႁိၼ်​မၢၵ်ႇ​ၽႃ​တင်း​လၢႆ​လႄႈ သွၼ်ႈ​ပိုင်ႈ​ယူႇ​ၵႃႈ​တီႈ​ဢၼ်​သုင်၊ ဢၼ်​လၢတ်ႈ​ၼႂ်း​ၸႂ်​လႄႈ​ဝႃႈ၊ ၽူႈ​လႂ်​တၵ်း​ၶျႃး​ၵဝ်​တူၵ်း တီႈ​လိၼ်​လႆႈ၊ ဝႃႈ​ၼင်ႇ​ၼႆ ၼၼ်ႉ​ၼႆႉ​ဢိူၺ်း၊ မႃႇၼႃႉ​ၸႂ်​သုင်​မႂ်း​ၼၼ်ႉ ပႅတ်ႉ​လႅၼ်​မႂ်း​ယဝ်ႉ။

ပိၵ်ႉ​သမ်ႉ​မႂ်း ယုၵ်ႉ​ယွင်ႈ​တူဝ်​မႂ်း ၶိုၼ်ႈ​တီႈ​သုင် မိူၼ်​ၸိူဝ်ႉ​ၼင်ႇ လၢင်း​တႃႉ​ၶမ်း​ၼၼ်ႉ​လႄႈ ႁဵတ်း​ႁင်း​မႂ်း​ယူႇ ၵႃႈ​တီႈ​လၢဝ်​တင်း​လၢႆ​သေ​ၵေႃႈ၊ ၵဝ်​တၵ်း​ၶျႃး​မႂ်း​သေ ၵႃႈ​တီႈ​ၼၼ်ႈ တူၵ်း​တီႈ​တႅမ်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼင်ႇ​ၼႆ​လႄႈ ထႃႇဝရႃႉ​ၽြႃး မီး​ဢမိင်ႉ​ဢေႃႈ။