Popular Bible Verses from ၼႃႇႁုမ်ႇ 1

Share

ထႃႇဝရႃႉ​ၽြႃး ပဵၼ်​ဢၼ်​လီ​ဢၼ်​ငၢမ်း​လႄႈ ပဵၼ်​တိူၵ်ႈ​တီႈ​တိုၵ်း​သိုၵ်း ၼႂ်း​မိူဝ်ႈ​ဢၼ် ၽေး​ႁွတ်ႈ​ထိုင်​ၼၼ်ႉ​ဢေႃႈ။ မၼ်း​ၸဝ်ႈ​ႁူႉ​ၸၵ်း ၶဝ်​ၸိူဝ်း​ဢၼ်​သွၼ်ႈ​ပိုင်ႈ​မၼ်း​ၸဝ်ႈ ၼၼ်ႉ​ယူႇ​ဢေႃႈ။

ထႃႇဝရႃႉ​ၽြႃး ၸႂ်​ယႂ်ႇ​ၸႂ်​ယၢဝ်း​လႄႈ မီး​တၼ်း​ၶူဝ်း​ဢၼ်​ယႂ်ႇ​ၼႃႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ မၼ်း​ၸဝ်ႈ​ဢမ်ႇ​ပွႆႇ ၵေႃႉ​ဢၼ်​ဢပႅတ်ႈ တႄႇ​ယူႇ​ၼၼ်ႉ လွတ်ႈ​သေ​ၵႃႈ​ၼႂ်း ဢပႅတ်ႈ​မၼ်း​ၼၼ်ႉ။ ထႃႇဝရႃႉ​ၽြႃး ၸွမ်း​သဵၼ်ႈ​တၢင်း​မၼ်း​ၸဝ်ႈ​ၵႂႃႇ ၵႃႈ​ၼႂ်း​လူမ်း​ၽိဝ်ႇ​ႁုင် ဢိၵ်ႇ​တင်း ၽူၼ်​လူင်​လူမ်း​လူင်​လႄႈ ၽႃႈ​ၽူၼ်​တင်း​လၢႆ ပဵၼ်​ၸိူဝ်ႉ​ၼင်ႇ မုၼ်ႈ​လိၼ်​ၼၼ်ႉ ၵႃႈ​တႂ်ႈ​ၽႃႇ​တိၼ်​မၼ်း​ၸဝ်ႈ​ဢေႃႈ။

ထႃႇဝရႃႉ​ၽြႃး ပဵၼ်​ၽြႃး​ဢၼ်​ယုမ်ႇ​ငၢႆႈ လွင်ႈ​ဢၼ်​မီး​ဢပႅတ်ႈ​လႄႈ ၸၢင်ႈ​ပၼ်​တၢမ်ႇ​ဢေႃႈ။ ထႃႇဝရႃႉ​ၽြႃး​ၸၢင်ႈ​ပၼ်​တၢမ်ႇ​လႄႈ မီး​တဵမ်​ဝႆႉ​တင်း တၢင်း​ၸႂ်​မႆႈ​ၶႆႈ​ၸႃႉ ဢၼ်​ႁႅင်း​ယႂ်ႇ​ၼႃႇ​ဢေႃႈ။ ထႃႇဝရႃႉ​ၽြႃး​ၸၢင်ႈ​ပၼ်​တၢမ်ႇ တီႈ​ၶဝ်​ၸိူဝ်း​ဢၼ် ႁဵတ်း​ၶတ်း​ၵၼ် တင်း​မၼ်း​ၸဝ်ႈ​ၼၼ်ႉ​လႄႈ ဝႆႉ​တၢင်း​ၽိတ်း တီႈ​ရၢၼ်ႇ​သူႇ​မၼ်း​ၸဝ်ႈ တင်း​လၢႆ​ဢေႃႈ။