Popular Bible Verses from မႃႇ​ၵူႉ 5

Share

မၼ်း​ၸဝ်ႈ​ၵေႃႈ လၢတ်ႈ​တီႈ​မၼ်း​လႄႈ​ဝႃႈ၊ လုၵ်ႈ​ယိင်း​ၵဝ်​ဢိူၺ်း၊ တၢင်း​ယုမ်ႇ​မၢတ်ႈ​မႂ်း ႁႂ်ႈ​တၢင်း​ပဵၼ်​မႂ်း​ႁၢႆ​ယဝ်ႉ။ ၵႂႃႇ​ၼိမ်​ၼိမ်​တႃႉ။ ႁႂ်ႈ​ၵၢင်း​လွတ်ႈ​တင်း တၢင်း​ၶႆႈ​တၢင်း​ပဵၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။

ၵမ်း​ၼၼ်ႉ မႄႈ​ယိင်း​ဢၼ်​ၸပ်း​တၢင်း​ပဵၼ် ဢၼ်​ထွၵ်ႇ​လိူတ်ႈ​လႆႈ သိပ်း​သွင်​ပီႊ​တဵမ်​တဵမ်​ယဝ်ႉ​လႄႈ၊- လႆႈ​ၶၢမ်ႇ​ၼႃႇ​လူင်​လၢင် ၼႂ်း​မိုဝ်း​မေႃ​ယႃ​ၼမ်​ၼႃႇ ထၼ်ႈ​ပေႃး​ဢုၵ်ႉ​ၸႃႇ​ၵႃႈ​မီး​တင်း​သဵင်ႈ​တင်း​လူင် သဵင်ႈ​မူတ်း​ၵႂႃႇ​သေ​ၵေႃႈ တၢင်း​ပဵၼ်​မၼ်း​ဢမ်ႇ​ႁၢႆ​ယဝ်ႉ​ဢမ်ႇ​ၵႃး၊ ယဵင်ႈ​ၶႅၼ်း​ၼႃႇ​မႃး​ထႅင်ႈ​ၼၼ်ႉ​ၵေႃႉ​ၼိုင်ႈ၊

မိူဝ်ႈ​ၼၼ်ႉ​ၵမ်း​လဵဝ်၊ တီႈ​ဢၼ်​လိူတ်ႈ​ဢွၵ်ႇ​ၼၼ်ႉ ပဵၼ်​ဢၼ်​ယူတ်း​ႁႅင်ႈ​ၵႂႃႇ​လႄႈ မၼ်း​ႁူႉ​လွင်ႈ​ဢၼ် မၼ်း​ၵၢင်း​လွတ်ႈ​တင်း တၢင်း​ၶႆႈ​တၢင်း​ပဵၼ်​ယဝ်ႉ​ၼၼ်ႉ ၵႃႈ​ၼႂ်း​တူဝ်​မၼ်း​ဢေႃႈ။

ယိပ်း​မိုဝ်း​လုၵ်ႈ​ဢွၼ်ႇ​သေ​ယဝ်ႉ၊ လၢတ်ႈ​လႄႈ​ဝႃႈ၊ တလီႉတႃႉၵူႉမီႉ ၊ ဝႃႈ​ၼင်ႇ​ၼႆ​ဢေႃႈ။ ဢထိၵ်ႈပႄႇ​ၸမ်ႉ၊ မႄႈ​ယိင်း​ဢွၼ်ႇ​ဢိူၺ်း၊ လုၵ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။

ၼႂ်း​မိူဝ်ႈ​ဢၼ်​မၼ်း​ၸဝ်ႈ​လၢတ်ႈ​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ ၵူၼ်း​လုၵ်ႉ​သေ​ၵႃႈ​တီႈ​ႁိူၼ်း​ၵႄႇ​ၸရွပ်ႈ​ႁေႃး​တြႃး​ၼၼ်ႉ မႃး​လၢတ်ႈ​လႄႈ​ဝႃႈ၊ လုၵ်ႈ​ယိင်း​ၸဝ်ႈ​ႁဝ်း​တၢႆ​ယဝ်ႉ​ၶႃႈ​ဢေႃႈ။ ႁဵတ်း​ႁိုဝ်​လႄႈ​ယင်း​ယႃႉ​ယူၵ်ႉ​သြႃႇ​ယူႇ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​ဢေႃႈ။- မိူဝ်ႈ​ဢၼ် ယေႇသူႉ ငိၼ်း​ၵႂၢမ်း​ၼၼ်ႉ​ၸိုင်၊ မၼ်း​ၸဝ်ႈ​လၢတ်ႈ​တီႈ​ၵႄႇ​ၸရွပ်ႈ​ႁေႃး​တြႃး​ၼၼ်ႉ​လႄႈ​ဝႃႈ၊ ယႃႇ​ပေ​မႆႈ​ၸႂ်။ ႁႂ်ႈ​မီး​ၸႂ်​ဢၼ် ယုမ်ႇ​မၢတ်ႈ​ၵူၺ်း​တႃႉ၊ ဝႃႈ​ၼင်ႇ​ၼႆ​ဢေႃႈ။

လွင်ႈ​ဢၼ်​လဝ်ႊ​လၢတ်ႈ​ၼၼ်ႉ​ၸမ်ႉ၊ မၼ်း​ၸဝ်ႈ​လႆႈ​မီး​ဢမိင်ႉ​လႄႈ​ဝႃႈ၊ ၽီ​ဢၼ်​ၵူဝ်ႈ​ၵိူၵ်ႇ​ဢိူၺ်း၊ ဢွၵ်ႇ​သေ​ၵႃႈ​ၼႂ်း​ၵေႃႉ​ၼႆႉ​ၵႂႃႇ​တႃႉ၊ ဝႃႈ​ၼင်ႇ​ၼႆ​ယဝ်ႉ​ဢေႃႈ။- မၼ်း​ၸဝ်ႈ​ၵေႃႈ ထၢမ်​တီႈ​မၼ်း​လႄႈ​ဝႃႈ၊ မႂ်း​မီး​ၸိုဝ်ႈ​သဵင်​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၸိုဝ်ႈ​သဵင်​ၵဝ်​ၶႃႈ​ၸမ်ႉ ၵွပ်ႈ​ပိူဝ်ႈ​ဢၼ်​ႁဝ်း​ၶႃႈ​ပဵၼ်​ဢၼ်​ၼမ်​ၼႃႇ​လႄႈ လႆႈ​ႁွင်ႉ​ႁဵၵ်း​ၸိုဝ်ႈ လေႇၵျုင်ႇ တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊