Popular Bible Verses from မီႉၶႃႇ 3

Share

ၵဝ်​ၸမ်ႉ၊ ပျေႉ​ၸုမ်ႇ​ဝႆႉ တင်း​ႁႅင်း​တၼ်း​ၶူဝ်း ၵွပ်ႈ​ပိူဝ်ႈ ဝီႉၺိၺ်ႇ​ထႃႇဝရႃႉ​ၽြႃး ဢိၵ်ႇ​တင်း တၢင်း​ၵတ်ႉ​တၢင်း​ၶၼ်​ၺၢၼ်ႇ၊ တၢင်း​ၵတ်ႉ​တၢင်း​ၶၼ် ဢၼ်​ႁဵတ်း​လႆႈ​ပဵၼ်​လႆႈ ႁႂ်ႈ​လႆႈ​ၽုၺ်ႇ​ဢွၵ်ႇ​ၼႄ​ပျႃး တၢင်း​ဢၼ်​မဵဝ်း​ ယႃႇၵုပ်ႈ ပူၼ်ႉ​လိူဝ်၊ တၢင်း​ဢၼ် ဢီႉသရေႇလႃႉ ၽိတ်း​ပိူင်ႈ ၼၼ်ႉ​ဢေႃႈ။

ၶဝ်​ၸိူဝ်း​ဢၼ်​ပဵၼ်​ငဝ်ႈ​ပဵၼ်​ႁူဝ်​မၼ်း​ၼၼ်ႉ ၸၢင်ႈ​ဢွၼ်​ၵၼ်​ၸီႇ​ယၢင်ႇ​ဢမူႉ​တြႃး ႁႂ်ႈ​လႆႈ​လၢၵ်ႈ​သွင်ႇ​ၵူၺ်း​လႄႈ ယိတ်ႈပရေႃးႁဵၵ်ႈ​မၼ်း​ၸိူဝ်း​ၼၼ်ႉ ၸၢင်ႈ​ဢွၼ်​ၵၼ်​သွၼ်​ပၼ် ႁႂ်ႈ​လႆႈ​ၵႃႈ​မၼ်း​ၶၼ်​မၼ်း​ၵူၺ်း​ဢေႃႈ။ ပရေႃးၽႅတ်ႈ​မၼ်း​ၸိူဝ်း​ၼၼ်ႉ​ၵေႃႈ ၸၢင်ႈ​ဢွၼ်​ၵၼ် ႁေႃး​လၢတ်ႈ​ဢၼႃႇၵၢတ်ႈ ႁႂ်ႈ​လႆႈ​ငိုၼ်း​ၵူၺ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၶဝ်​ၸၢင်ႈ​ဢွၼ်​ၵၼ် ဢိင်​ပိုင်ႈ​ထႃႇဝရႃႉ​ၽြႃး​ယူႇ​သေ​လႄႈ လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ယူႇ​ၵႃႈ​ၼႂ်း​ၵၢင်​ႁဝ်း ဢမ်ႇ​ၸႂ်ႈ​ႁိုဝ်။ ၽေး​ဢူႉ​ပၢတ်ႈ​ဢမ်ႇ​ႁွတ်ႈ​ထိုင် ၵႃႈ​ၼိူဝ်​ႁဝ်း​လႆႈ​ၵူၺ်ႉ၊ ဝႃႈ​ၼင်ႇ​ၼႆ​လူင်​ပႄႇ။

ပိူဝ်ႈ​ၼႆ​လႄႈ ပိၵ်ႉ​သမ်ႉ ၶဝ်​သႅၼ်ႇ​ႁွင်ႉ​ႁႃ ထႃႇဝရႃႉ​ၽြႃး​သေ​ၵေႃႈ၊ မၼ်း​ၸဝ်ႈ​တၵ်း​ဢမ်ႇ​ဢိူဝ်။ မႅၼ်ႈ​ၸွမ်း​ၵႃႈ​ၼင်ႇ​ဢၼ် ၶဝ်​ႁဵတ်း​တူႉ​ၸရိူၵ်ႈ​ၼၼ်ႉ သေ​လႄႈ ၼႂ်း​ၶိင်ႇ​မိူဝ်ႈ​ၼၼ်ႉ မၼ်း​ၸဝ်ႈ တၵ်း​ဝၢႆႇ​ၼႃႈ​မၼ်း​ၸဝ်ႈ​ပႅတ်ႈ​ၶဝ်​ဢေႃႈ။