Popular Bible Verses from ယူဝ်းဢေႇလႃႉ 1

Share

ဢွၼ်​ၵၼ်​ၶၢၼ်း​ၶိင်ႇ​မိုဝ်ႉ​ဝၼ်း​ဢၼ်​မူတ်း​ၸၢင်ႇ ဢၼ်​တၵ်း​လႆႈ​ဝႄႈ​လႆႈ​ၵမ် တၢင်း​ၵိၼ်​တၢင်း​ၶူပ်း​ၼၼ်ႉ​ဝႆႉ​တႃႉ။ ဢွၼ်​ၵၼ်​ႁွင်ႉ​ပၢဝ်ႇ​ႁွင်ႉ​သေႃႇ ၶိင်ႇ​မိုဝ်ႉ​ဝၼ်း​ဢၼ် တၵ်း​လႆႈ​ၵမ်​ၵျၢင်ႉ ၵႅၼ်ႇ​ၵႅၼ်ႇ​ၶႅင်​ၶႅင် ၼၼ်ႉ​တႃႉ။ ႁႂ်ႈ​ၶဝ်​ၸိူဝ်း​ဢၼ်​ဢသၢၵ်ႈ​ယႂ်ႇ ဢိၵ်ႇ​တင်း ၵူၼ်း​ဝၢၼ်ႈ​ၵူၼ်း​မိူင်း တင်း​သဵင်ႈ​တင်း​လူင်း​မႃး​ၸူႉ​ၵၼ်​တုမ်​ၵၼ် ၵႃႈ​တီႈ​ႁိူၼ်း ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ သူ​သေ​လႄႈ သႅၼ်ႇ​ႁွင်ႉ​ႁႃ ထႃႇဝရႃႉ​ၽြႃး​တႃႉ။

ယိတ်ႈပရေႃးႁဵၵ်ႈ​ၶဝ်​ဢိူၺ်း၊ ဢွၼ်​ၵၼ်​ဢဝ် ၶူဝ်း​ၼုင်ႈ​ၼင်​ပေႃ ႁတ်ႉ​ဢႅဝ်​သူ​သေ​လႄႈ ႁွင်ႉ​ႁႆႈ​တႃႉ။ သူ​ၸိူဝ်း​ဢၼ်​ပႂ်ႉ​ဢမူႉ ယိတ်ႈပလၢင်ႇ​ၸဝ်ႈ​ၶဝ်​ဢိူၺ်း၊ ဢွၼ်​ၵၼ်​ပွင်ႉ​ၶၢင်း​တႃႉ။ သူ​ၸိူဝ်း​ဢၼ်​ပႂ်ႉ​ဢမူႉ ၽြႃး​ပဵၼ်​ၸဝ်ႈ​ၵဝ် ၶဝ်​ဢိူၺ်း၊ ဢွၼ်​ၵၼ်​မႃး​လႄႈ ၼုင်ႈ​ၶူဝ်း​ၼုင်ႈ​ၼင်​ပေႃ​ယူႇ သေ​လႄႈ ၼွၼ်း​ယူႇ​တင်း​ၶိုၼ်း​တႃႉ။ လွင်ႈ​မၼ်း​ၸမ်ႉ ၶိူင်ႈ​ပုၵ်ႈ​ၸေႃႇ​ၽေႃး​ၸဵၼ်ႇ ဢိၵ်ႇ​တင်း ၶိူင်ႈ​ပုၵ်ႈ​ၸေႃႇ ဢၼ်​သွၼ်း​လေႃႇ​ၼၼ်ႉ ဢမ်ႇ​လႆႈ​မီး တၢင်း​ဢၼ်​ဢဝ်​သၢၵ်ႈ​ဢဝ်​ၵၢပ်ႈ ၵႃႈ​တီႈ​ႁိူၼ်း ၽြႃး​ပဵၼ်​ၸဝ်ႈ​သူ ယဝ်ႉ​လူင်​ပႄႇ။

တူၼ်ႈ​ၶိူဝ်း​မၢၵ်ႇ​ၸပိတ်ႈ ႁဵဝ်ႇ​ၸွပ်ႈ​လႄႈ တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ယူတ်း​ႁႅင်ႈ​ယဝ်ႉ။ တူၼ်ႈ​မၢၵ်ႇ​ၸင်ႈ၊ တူၼ်ႈ​ထၢၼ်၊ တူၼ်ႈ​မၢၵ်ႇ​ၶီႈ​ၼူ၊ တူၼ်ႈ​မႆႉ​ထိူၼ်ႇ​ၵႃႈ​မီး​ၵေႃႈ ႁဵဝ်ႇ​ၸွပ်ႈ​ၵႂႃႇ​ယဝ်ႉ။ လွင်ႈ​တၢင်း​ဢၼ်​လီ​ၸူမ်း လီ​သိူဝ်း​ၼၼ်ႉ ယူတ်း​ႁႅင်ႈ​ၵႂႃႇ​သေ ၵႃႈ​တီႈ​လုၵ်ႈ​ၵူၼ်း​တင်း​လၢႆ ဢမၢၼ်ႇ​ၶၼ်​ပဵၼ်​ယဝ်ႉ။