Popular Bible Verses from ႁူဝ်းသေႇ 9

Share

ၽြႃး​ပဵၼ်​ၸဝ်ႈ​ၵဝ် တၵ်း​ၸုၼ်ႉ​ပႅတ်ႈ​ၶဝ် ၵွပ်ႈ​ပိူဝ်ႈ​ဢၼ်​ၶဝ် ဢမ်ႇ​ထွမ်ႇ​ဢဝ်​ၵႂၢမ်း​မၼ်း​ၸဝ်ႈ ၼၼ်ႉ​လႄႈ ၶဝ်​ၼၼ်ႉ တၵ်း​လႆႈ​ပဵၼ်​ၵေႃႉ​ဢၼ်​လႄႇ​ၵႂႃႇ​လႄႇ​မႃး​ယူႇ ၵႃႈ​ၼႂ်း​ၵူၼ်း​တၢင်ႇ​ၸိူဝ်ႉ တၢင်ႇ​ၶိူဝ်း​တင်း​လၢႆ​ဢေႃႈ။

မဵဝ်း​ ဢီႉသရေႇလႃႉ ​ဢိူၺ်း၊ ယႃႇ​ပေ​မီး​ၸႂ်​ဢၼ် ၸူမ်း​သိူဝ်း​သႂၢင်ႇ​ၸႂ်​သေ​လႄႈ ၵႃႈ​ဝႅၼ်​မိူၼ်​ၸိူဝ်ႉ​ၼင်ႇ ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​တင်း​လၢႆ​ၼၼ်ႉ။ မႂ်း​မီး​ၸႂ်​ဢၼ် ၽၢတ်ႇ​ယၢၼ်​ၵၼ်​တင်း ၽြႃး​ပဵၼ်​ၸဝ်ႈ​မႂ်း​သေ​လႄႈ ၸပ်း​ၸွႆး​မေႇ​ထုင်ႇ ဢၼ်​ဢမ်ႇ​တြႃး​ယူႇ​ဢေႃႈ။ မႂ်း​ၸၢင်ႈ​ထုၵ်ႇ​ၸႂ်​ၵျိူၵ်ႈ​ၸႂ်​ၵႃႈ​ၶၼ် ဢၼ်​ၽိတ်း​ပိူင်ႈ ၵႃႈ​တီႈ​တလၢင်း​ယဵပ်ႇ​ၶဝ်ႈ ၵႃႈ​မီး​ၼၼ်ႉ​ဢေႃႈ။

မိုဝ်ႉ​ဝၼ်း​ဢၼ်​လႆႈ​ပၼ်​တၢမ်ႇ​ၼၼ်ႉ ႁွတ်ႈ​ထိုင်​ယဝ်ႉ။ မိုဝ်ႉ​ဝၼ်း​ဢၼ်​လႆႈ တႅၼ်း​ပၼ်​ဢပႅတ်ႈ​ၼၼ်ႉ ႁွတ်ႈ​ထိုင်​ယဝ်ႉ။ မဵဝ်း​ ဢီႉသရေႇလႃႉ တၵ်း​လႆႈ​ႁူႉ​ဢေႃႈ။ ပရေႃးၽႅတ်ႈ​ၼၼ်ႉ ပဵၼ်​ဢၼ်​မိူၵ်ႈ​လႄႈ ၵေႃႉ​ဢၼ်​လႆႈ​ၶၢမ်ႇ သူႉ​ၵျေး​ၸူး ဝီႉၺိၺ်ႇ​ၼၼ်ႉ ပဵၼ်​ၵူၼ်း​ယွင်ႇ​ဢေႃႈ။ လွင်ႈ​မၼ်း​ၸမ်ႉ ဢပႅတ်ႈ​မႂ်း​ၼမ်​ၼႃႇ​လႄႈ တၢင်း​ဢၼ်​ၸႂ်​မႂ်း​ႁဵတ်း​ဢမ်ႇ​ထုၵ်ႇ​ၶတ်း​ၵၼ်​ၼၼ်ႉ ၼမ်​ၼႃႇ​ဢေႃႈ။