Popular Bible Verses from တၢၼ်ႇယေႇလႃႉ 1

Share

တၢၼ်ႇယေႇလႃႉ ​ၸမ်ႉ၊ မီး​တၢင်း​ၵျၢမ်ႇ​တၢင်း​ပွင် တၵ်း​ဢမ်ႇ​ႁႂ်ႈ​တူဝ်​ၸဝ်ႈ​ၵဝ်ႇ ၵူဝ်ႈ​ၵိူၵ်ႇ​လူၺ်ႈ တၢင်း​ၵိၼ်​တၢင်း​ၶူပ်း ၶုၼ်​ႁေႃ​ၶမ်း ဢိၵ်ႇ​တင်း ၼမ်ႉ​ၸပိတ်ႈ​ဢၼ်​ၶုၼ်​ၼၼ်ႉ သူတ်ႉ​ၵိၼ်​ၼၼ်ႉ​ၵူဝ်ႈ​ၵိူၵ်ႇ ဝႃႈ​ၼႆ​လႄႈ၊ ယွၼ်း​ဢၶႂၢင်ႉ​တီႈ ၵေႃႉ​ဢၼ်​လႆႈ​ဢုပ်ႉ​ၵႃႈ​ၼိူဝ် ၵူၼ်း​ထိင်း​ၼၢင်း​ၼၼ်ႉ ႁႂ်ႈ​တူဝ်​မၼ်း ဢမ်ႇ​လႆႈ​ၵူဝ်ႈ​ၵိူၵ်ႇ​ဢေႃႈ။

ၽြႃး​ပဵၼ်​ၸဝ်ႈ ဢဵတ်း​လူ​ပၼ် တၢင်း​ၵတ်ႉ​တၢင်း​ၶၼ် ဢိၵ်ႇ​ၺၢၼ်ႇ ဢၼ်​ၶုတ်း​မူင်ႇ​ၸီး​ၸွင်​လႄႈ​ႁူႉ ဢတၢတ်ႈ​ပိင်ႇ​ၺႃႇ ဢၼ်​လၢၵ်ႇ​လၢႆး ၵူႈ​ၸိူဝ်ႉ​ၵူႈ​ပိူင်​လႆႈ​ၼၼ်ႉ တီႈ​ၵူၼ်း​ဢွၼ်ႇ​သီႇ​ၵေႃႉ ၼၼ်ႉ​ဢေႃႈ။ တၢၼ်ႇယေႇလႃႉ ​ၵေႃႈ ပျေႉ​ၸုမ်ႇ​ဝႆႉ​တင်း​ၺၢၼ်ႇ​ပိင်ႇ​ၺႃႇ ဢၼ်​ႁူႉ​ပျႃႇ​တိၵ်ႈ​ရူႇပႃႇရူင်ႇ ဢိၵ်ႇ​တင်း တၢင်း​ဢၼ်​ၼွၼ်း​ၽၼ်​ႁၼ် တင်း​လၢႆ လႆႈ​ၼၼ်ႉ​ဢေႃႈ။

ပိၵ်ႉ​သမ်ႉ ၽြႃး​ပဵၼ်​ၸဝ်ႈ ပွင်​ႁဵတ်း​ပွင်​မႄး ႁႂ်ႈ​ တၢၼ်ႇယေႇလႃႉ လႆႈ​ထူပ်း​ၵျေး​ၸူး ဢိၵ်ႇ​တင်း တၢင်း​ဢၼ်​ႁၵ်ႉ​ဢဵတ်း​လူ သိုဝ်ႈ​ၼႃႈ​တႂ်ႈ​တႃ ၵေႃႉ​ဢၼ် လႆႈ​ဢုပ်ႉ​ၵႃႈ​ၼိူဝ်​ၵူၼ်း​ထိင်း​ၼၢင်း​ၼၼ်ႉ​သေ​ၵေႃႈ၊

ၼႂ်း​လွင်ႈ​တၢင်း​ဢၼ် ၸၢပ်ႈ​သႅင်ႇ​ၵၼ်​တင်း ဢတၢတ်ႈ​ပိင်ႇ​ၺႃႇ ၵႃႈ​ဢၼ်​ၶုၼ်​ႁေႃ​ၶမ်း တွင်ႈ​ထၢမ်​လူၺ်ႈ လွင်ႈ​မၼ်း​တၢင်း​မၼ်း တီႈ​ၶဝ်​ၼၼ်ႉ မၼ်း​ထူပ်း​ႁၼ်​လွင်ႈ​ဢၼ်​ၶဝ်​ၼၼ်ႉ ယဵင်ႈ​ၶႅၼ်း ၸၢင်ႈ​မေႃ​လိူဝ်​တွၼ်း​ၼႃႇ​သေ မႃႇ​ၵူႉ​ပိင်ႇ​ၺႃႇ​သီႉ ဢိၵ်ႇ​တင်း မေႃ​ပေႇ​တၢင်ႇ ၵႃႈ​ဢၼ်​မီး​ၵႃႈ​ၼႂ်း​မိူင်း​ၸဝ်ႈ ၵူႈ​တီႈ​ၵူႈ​လႅၼ်​ၼၼ်ႉ သိပ်း​ပုၼ်ႈ​ၼၼ်ႉ​ဢေႃႈ။