Popular Bible Verses from ၵေႃးလေႃးသေး 1

Share

ၼုၵ်ႈ​ဢဝ်​ႁဝ်း​ဢွၵ်ႇ​ၵႃႈ​ၼႂ်း​တၼ်း​ၶူဝ်း​ဢၼ်​လပ်း​သိင်ႇ​သေ​လႄႈ သႂၢင်း​သႂ်ႇ​ၵႃႈ​ၼႂ်း​မိူင်း​လုၵ်ႈ​ၸဝ်ႈ ဢၼ်​မၼ်း​ၸဝ်ႈ​ႁၵ်ႉ​ၼၼ်ႉ​ဢေႃႈ။

လွင်ႈ​မၼ်း​ၸမ်ႉ ၼႂ်း​လုၵ်ႈ​ၸဝ်ႈ​ၼၼ်ႉ၊ လွင်ႈ​တၢင်း​ဢၼ်​မီး​ၵႃႈ​ၼိူဝ်​ၵၢင်​ႁၢဝ်၊ လွင်ႈ​တၢင်း​ဢၼ်​မီး​ၵႃႈ​ၼိူဝ်​လိၼ်​မိူင်း၊ လွင်ႈ​တၢင်း ရူႇပႃႉ၊ လွင်ႈ​တၢင်း​ဢႃႉရူႇပႃႉ၊ ပဵၼ်​ရႃႇၸႃႉ​ပလၢင်ႇ​သေ​ဢမ်ႇ​ဝႃႈ၊ ပဵၼ်​တၼ်း​ၶူဝ်း​တၢင်း​ဢၼ်​ဢုပ်ႉ​ပိူင်ႇ​သေ​ဢမ်ႇ​ဝႃႈ၊ ပဵၼ်​ဢၼ်​ထွတ်ႈ​ဢၼ်​မျၢတ်ႈ​သေ​ဢမ်ႇ​ဝႃႈ၊ ပဵၼ်​ဢႃႇၼႃႇၸၢၵ်ႈ​သေ​ဢမ်ႇ​ဝႃႈ၊ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ လႆႈ​ၶၢမ်ႇ​တၢင်း​ဢၼ်​ၽၢၼ်ႇ​သၢင်း​ႁဵတ်း ပဵၼ်​ဢေႃႈ။ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် လႆႈ​ၶၢမ်ႇ​တၢင်း​ဢၼ်​ၽၢၼ်ႇ​သၢင်း​ႁဵတ်း​ပဵၼ် ၵွပ်ႈ​ပိူဝ်ႈ​ၸဝ်ႈ​ၼၼ်ႉ ဢိၵ်ႇ​တင်း​ပုၼ်ႈ​ၸဝ်ႈ​ၼၼ်ႉ​ဢေႃႈ။

လုၵ်ႈ​ၸဝ်ႈ​ၼၼ်ႉ​ပဵၼ်​ၸဵမ်​မိူဝ်ႈ ၸူဝ်ႈ​ဢၼ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ဢမ်ႇ​ပႆႇ​ပဵၼ်​ၼၼ်ႉ​လႄႈ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တႄႇ​ယူႇ​ၼႂ်း​မၼ်း​ၸဝ်ႈ​ဢေႃႈ။

လုၵ်ႈ​ၸဝ်ႈ​ၼၼ်ႉ​ပဵၼ်​ပုင်ႇ​ႁၢင်ႈ​ၽြႃး​ပဵၼ်​ၸဝ်ႈ ဢၼ်​ဢမ်ႇ​ႁၼ်​လႆႈ​ၼၼ်ႉ​လႄႈ ပဵၼ်​လုၵ်ႈ​တူၼ်ႈ ၼႂ်း​ဝူၺ်ႇၼေႇယႃႉ​သတ်ႉတဝႃႇ​တင်း​သဵင်ႈ​တင်း​လူင်​ဢေႃႈ။

ပိူဝ်ႈ​ၼႆ​လႄႈ ၸႃႉ​ၸဵမ်​မိုဝ်ႉ​ဝၼ်း​ဢၼ်​ႁဝ်း​လႆႈ​ငိၼ်း​ၼၼ်ႉ၊ ႁဝ်း​ႁဵတ်း​သူး​တွင်း​ပထၼႃႇ​ပုၼ်ႈ​သူ​ယူႇ တႃႇ​သေႇ​ဢမ်ႇ​ထၢတ်ႇ​ဢေႃႈ။ လွင်ႈ​တၢင်း​ဢၼ်​ႁဝ်း​သူး​တွင်း​ၸမ်ႉ၊ ၼင်ႇ​ႁိုဝ်​သူ​တၵ်း​လႆႈ​မီး​တင်း​ပိင်ႇ​ၺႃႇ​တင်း ထမ်ႇမႃႉ​ၺၢၼ်ႇ​ၵူႈ​ၸိူဝ်ႉ​ၵူႈ​ပိူင်​လႄႈ ပျေႉ​ၸုမ်ႇ​တင်း တၢင်း​ဢၼ်​ႁူႉ​ၸႅင်ႈ ဢလူဝ်ႇ​ၽြႃး​ပဵၼ်​ၸဝ်ႈ ႁႂ်ႈ​သူ​လႆႈ​မီး​တၢင်း​ဢၼ်​မၢၵ်ႇ​မၢၵ်ႇ​ဢၼ်​ဝႃႈ တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ၵူႈ​ၸိူဝ်ႉ​ၵူႈ​ပိူင်​လႄႈ ယႂ်ႇ​ၽႄႈ ၼမ်​ၵိုၼ်း​မႃး ၼႂ်း​ၺၢၼ်ႇ​ဢၼ်​ႁူႉ​ၽြႃး​ပဵၼ်​ၸဝ်ႈ​ၼၼ်ႉ​ယူႇ၊- ပျေႉ​ၸုမ်ႇ​တင်း​ႁႅင်း​ၵူႈ​ၸိူဝ်ႉ​ၵူႈ​ပိူင် ၵႃႈ​ၼင်ႇ​တၼ်း​ၶူဝ်း​ၸဝ်ႈ​ဢၼ်​မုၼ်​ၽုင်း​ယႂ်ႇ​ၼႃႇ​ၼၼ်ႉ ပုၼ်ႈ​တၢင်း​ဢၼ်​ယိူၼ်ႉ​ၶၢမ်ႇ​ၼႂ်း​ၵူႈ​ၸိူဝ်ႉ​ၵူႈ​ပိူင်၊ တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း​ဢိၵ်ႇ​တင်း​ၸႂ်​ဢၼ်​သိူဝ်း​ဢၼ်​ပျေႃႇ​ၼၼ်ႉ​ယူႇ၊