Popular Bible Verses from ဢႃႇမူတ်ႉ 7

Share

ဢႃႇမူတ်ႉ ​ၶိုၼ်း​လၢတ်ႈ​တီႈ ဢႃႇမၸီႉ ​လႄႈ​ဝႃႈ၊ ၵဝ်​ၼႆႉ ယင်း​ဢမ်ႇ​ၸႂ်ႈ ပရေႃးၽႅတ်ႈ။ ယင်း​ဢမ်ႇ​ပဵၼ် လုၵ်ႈ​ၸၢႆး​ပရေႃးၽႅတ်ႈ​လႄႈ ပဵၼ်​ၵေႃႉ​ဢၼ်​လဵင်ႉ​ဝူဝ်း၊ ၵေႃႉ​ဢၼ်​ဝိတ်း​မၢၵ်ႇ​လိူဝ်ႇ သၢင်း​ၽေႃး​ၵူၺ်း​ဢေႃႈ။- ထႃႇဝရႃႉ​ၽြႃး ၼုၵ်ႈ​ဢဝ်​ၵဝ်​ဢွၵ်ႇ​သေ ၵႃႈ​ၼႂ်း​တီႈ​ဢၼ်​လဵင်ႉ​ဝူဝ်း​ၼၼ်ႉ​လႄႈ မီး​ဢမိင်ႉ​တီႈ​ၵဝ်​လႄႈ​ဝႃႈ၊ မႂ်း​ၵႂႃႇ​တႃႉ။ ႁဵတ်း​ပရေႃးၽႅတ်ႈ ၵႃႈ​ၼႂ်း​ၵူၼ်း​ၵဝ် ၵူၼ်း​မဵဝ်း ဢီႉသရေႇလႃႉ ​တင်း​လၢႆ​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။

ထႃႇဝရႃႉ​ၽြႃး ထၢမ်​တီႈ​ၵဝ်​လႄႈ​ဝႃႈ၊ ဢႃႇမူတ်ႉ ​ဢိူၺ်း၊ မႂ်း​ႁၼ်​ၵႃႈ​သင်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵဝ်​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ႁၼ် ၸိူၵ်ႈ​မႆ​မီႈ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၸဝ်ႈ​ထႃႇဝရႃႉ​ၽြႃး လၢတ်ႈ​လႄႈ​ဝႃႈ၊ တူၺ်း​လူး။ ၵဝ်​တၵ်း​ဢဝ် ၸိူၵ်ႈ​ၵၢင်းမႅဝ်း​ယွၼ်ႇ​တူၵ်း ၵႃႈ​ၼႂ်း​ၵၢင်​ၵူၼ်း​ၵဝ် ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ ၵမ်း​လိုၼ်း ၵဝ်​တၵ်း​ဢမ်ႇ​ယိူၼ်ႉ​ဢမ်ႇ​ၶၢမ်ႇ ၶဝ်။