Popular Bible Verses from တမၢၼ်ႇ​ၸဝ်ႈ 5

Share

ပေႇတရူႉ တင်း​တမၢၼ်ႇ​ၸဝ်ႈ​တၢင်ႇ​ၵေႃႉ​ၸိူဝ်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ႁဝ်း​ၶႃႈ​ထုၵ်ႇ​လီ​ထွမ်ႇ​ဢဝ်​ၵႂၢမ်း​ၽြႃး​ပဵၼ်​ၸဝ်ႈ​ၼႃႇ​သေ​ၵႂၢမ်း​ၵူၼ်း​ၶႃႈ​ဢေႃႈ။

ၶဝ်​သင်ႇ​သွၼ်​သုင်း​မႃႉ​ပၼ်​လႄႈ​ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ​ဢၼ်​ဝႃႈ လွင်ႈ​ဢၼ်​ ယေႇသူႉ ပဵၼ်​ၸဝ်ႈ​ၶရိၸ်ႈ​ၼၼ်ႉ​ၵႃႈ​ၼႂ်း​ပိၵ်ႈ​မၢၼ်ႇ​ၸဝ်ႈ ဢိၵ်ႇ​တင်း​ၵႃႈ​ၼႂ်း​ႁိူၼ်း ယူႇ​ၵူႈ​မိုဝ်ႉ​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ​ဢေႃႈ။

ပေႇတရူႉ ​ၵေႃႈ​လၢတ်ႈ​လႄႈ​ဝႃႈ၊ ဢႃႇၼၼီႉ ​ဢိူၺ်း၊ ႁဵတ်း​သင်​လႄႈ မႂ်း​ႁႂ်ႈ​ ၸႃႇတၢၼ်ႇ ​တဵမ်​ဝႆႉ​ၼႂ်း​ႁူဝ်​ၸႂ်​မႂ်း​ႁႂ်ႈ​မႂ်း​လႆႈ​ပႅတ်ႉ​လႅၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လႄႈ ဢဝ်​ၵႃႈ​လိၼ်​ၶၼ်​လိၼ်​ၼၼ်ႉ ပုၼ်ႈ​ၼိုင်ႈ​သိူင်ႇ​မႅပ်ႉ​ဝႆႉ​ၼင်ႇ​ႁိုဝ်။- ၼႂ်း​မိူဝ်ႈ​ဢၼ်​လိၼ်​ၼၼ်ႉ​မီး​ယူႇ​ၼၼ်ႉ​ၸိုင်၊ တူဝ်​ၸဝ်ႈ​ၵဝ်ႇ​ပိူင်ႇ​ဢမ်ႇ​ၸႂ်ႈ​ႁိုဝ်။ ဢၼ်​ၶၢႆ​လႄႈ လႆႈ​ၵႃႈ​မၼ်း​ၶၼ်​မၼ်း​ၼၼ်ႉ ပဵၼ်​ၶွင်​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ​ႁိုဝ်။ ႁဵတ်း​သင်​လႄႈ မႂ်း​ၵျၢမ်ႇ​ပွင်​ၸိူဝ်ႉ​ၼင်ႇ​ၼႆ​ၵႃႈ​ၼႂ်း​ၸႂ်​မႂ်း​ၼင်ႇ​ႁိုဝ်။ မႂ်း​လၢတ်ႈ​မူႉ​သႃႇ​တီႈ​ၵူၼ်း​ၵူၺ်း​ယဝ်ႉ​ဢမ်ႇ​ၸႂ်ႈ။ လၢတ်ႈ​မူႉ​သႃႇ​တီႈ​ၽြႃး​ပဵၼ်​ၸဝ်ႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။- ဢႃႇၼၼီႉ ​ၼၼ်ႉ ငိၼ်း​ၵႂၢမ်း​ၼၼ်ႉ​သေ​ယဝ်ႉ​လူမ်ႉ​တၢႆ​ၵႂႃႇ​ဢေႃႈ။ ၵူၼ်း​ဢၼ်​လႆႈ​ငိၼ်း​လွင်ႈ​တီႈ​ႁဵင်း​ၼၼ်ႉ​တင်း​သဵင်ႈ​တင်း​လူင် မီး​ၸႂ်​ဢၼ်​ၵူဝ်​ႁႄ​ၼႃႇ​လူင်​လၢင်​ဢေႃႈ။

တေႃႈ​လဵဝ်​ၼႆႉ​ၵေႃႈ ၵဝ်​ဝႃႈ​တီႈ​သူ​ၸမ်ႉ၊ ဝႄႈ​ပိူင်ႈ​ၶဝ်​ၼႆႉ​သေ​လႄႈ​ႁႂ်ႈ​ၶဝ်​ယူႇ​ႁင်း​ၶဝ်​သေ​ၵမ်း။ တၢင်း​ၵျၢမ်ႇ​တၢင်း​ပွင်​ၼႆႉ ဢမူႉ​ၼႆႉ​ပေႃး​ၸႂ်ႈ​တၢင်း​ၵျၢမ်ႇ​တၢင်း​ပွင်​ၵူၼ်း ဢမူႉ​ၵူၼ်း​ၸိုင်၊ တၵ်း​ႁွတ်ႈ​ထိုင်​တီႈ​ဢၼ်​လူႉ​ဢၼ်​လႅဝ်​ဢေႃႈ။- ၵူၺ်း​ၵႃႈ​ပေႃး​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၸိုင်၊ သူ​ဢမ်ႇ​ယႃႉ​ပႅတ်ႈ​လႆႈ။ လီ​ၵူဝ်​တၵ်း​ထူပ်း​ႁၼ်​လွင်ႈ​ဢၼ်​တူဝ်​ၸဝ်ႈ​ၵဝ်ႇ ပဵၼ်​ၵူၼ်း​ၸိူဝ်း​ဢၼ်​တိုၵ်း​တေႃး​ၽြႃး​ပဵၼ်​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။