Popular Bible Verses from 2 ထိတ်ႉသႃႇလေႃးၼိၵ်ႈ 2

ယႃႇ​ပေ​ႁႂ်ႈ​ၽူႈ​လႂ်​လႆႈ​ပႅတ်ႉ​လႆႈ​လႅၼ်​သူ ၼႂ်း​လွင်ႈ​တၢင်း​သေ​ၸိူဝ်ႉ​သေ​ပိူင်။ ၸူဝ်ႈ​ဢၼ်​ဝၼ်း​ၼၼ်ႉ​ဢမ်ႇ​ပႆႇ​ႁွတ်ႈ​ထိုင်​ၼၼ်ႉ​ၸိုင်၊ တၢင်း​ဢၼ်​ၽွၵ်ႈ​ပျၢၼ်ႇ ၽႄ​ၵိူင်း​ၶႂၢႆး​ၵိူင်း​တၵ်း​ပဵၼ်​ဢွၼ်​တၢင်း​လႄႈ ၵူၼ်း​တူႉ​ၸရိူၵ်ႈ​ဢၼ်​ဝႃႈ​လုၵ်ႈ​ၸၢႆး​တၢင်း​လူႉ​တၢင်း​လႅဝ်​ၼၼ်ႉ တၵ်း​ပေႃႇ​မႃး​ဢေႃႈ။

ၵူၺ်း​ၵႃႈ​ပီႈ​ၼွင်ႉ​ဢၼ်​ၸဝ်ႈ​ၽြႃး​ႁၵ်ႉ​ၶဝ်​ဢိူၺ်း၊ ၵွပ်ႈ​ပိူဝ်ႈ​ဢၼ်​ၽြႃး​ပဵၼ်​ၸဝ်ႈ လိူၵ်ႈ​ၵဵပ်း​ဢဝ်​သူ​ၸဵမ်​မိူဝ်ႈ​ဢွၼ်​ၼႆႉ​ၼၼ်ႉ ႁႂ်ႈ​သူ​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​တၢင်း​ဢၼ်​ဝီႉၺိၺ်ႇ​ၸဝ်ႈ ႁႂ်ႈ​မူတ်း​ၸၢင်ႇ ဢိၵ်ႇ​တင်း​တၢင်း​ဢၼ်​ယုမ်ႇ​မၢတ်ႈ​သမ်ႇမႃႇ​တြႃး​ၼၼ်ႉ​လႄႈ ႁဝ်း​တၵ်း​လႆႈ​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​သူ​ယူႇ​တႃႇ​သေႇ​ဢမ်ႇ​ထၢတ်ႇ​ဢေႃႈ။

ၵေႃႉ​ၼၼ်ႉ​ႁဵတ်း​တၢင်း​ဢၼ်​ၶတ်း​ၵၼ်​တင်း ၵႃႈ​ဢၼ်​ႁွင်ႉ​ဝႃႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​လွင်ႈ​တၢင်း​ဢၼ်​ထုၵ်ႇ​လီ​ၵူဝ်း​ၵႂၢႆႇ​ၼၼ်ႉ လႄႈ ယွင်ႈ​ယေႃး​တူဝ်​ၸဝ်ႈ​ၵဝ်ႇ​ယူႇ​သေ​ယဝ်ႉ၊ ၼင်ႈ​ယူႇ​ၵႃႈ​ၼႂ်း​ႁိူၼ်း​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​သေ​လႄႈ ပဵၼ်​ၵေႃႉ​ဢၼ် ဢဝ်​ပုင်ႇ​ႁၢင်ႈ ၽြႃး​ပဵၼ်​ၸဝ်ႈ​ၼႄ​ပျႃး​တူဝ်​ၸဝ်ႈ​ၵဝ်ႇ​ဢေႃႈ။

ႁႂ်ႈ​တူဝ်​ၸဝ်ႈ​ႁဝ်း​ ယေႇသူႉ​ၶရိၸ်ႈ ဢိၵ်ႇ​တင်း​ၽြႃး​ပဵၼ်​ၸဝ်ႈ​ပေႃႈ​ႁဝ်း ဢၼ်​ႁၵ်ႉ​ႁဝ်း​လႄႈ ပၼ်​တၢင်း​ဢၼ်​သၢၵ်ႈ​သႃႇ​ထႃႇဝရႃႉ​ဢိၵ်ႇ​တင်း တၢင်း​ဢၼ်​မုင်ႈ​ထႃႈ​မွင်း​ထႃႈ ဢၼ်​လီ​ဢၼ်​ငၢမ်း ၸွမ်း​ၼင်ႇ​ၵျေး​ၸူး​ၸဝ်ႈ​ၼၼ်ႉ၊- ႁႂ်ႈ​ႁူဝ်​ၸႂ်​သူ​သၢၵ်ႈ​သႃႇ​လႄႈ​ႁႂ်ႈ​သူ​မၼ်ႈ​ၶိူင်ႇ​ယူႇ ၼႂ်း​တၢင်း​ဢၼ်​လီ​ဢၼ်​ငၢမ်း ဢိၵ်ႇ​တင်း​ၼႂ်း​လွင်ႈ​တၢင်း​ဢၼ်​လီ​ဢၼ်​ငၢမ်း ၵူႈ​ၸိူဝ်ႉ​ၵူႈ​ပိူင်​သေ​ၵမ်း​လူၺ်ႈ။

ပိူဝ်ႈ​ၼႆ​လႄႈ လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​ဢမ်ႇ​ယုမ်ႇ​သမ်ႇမႃႇ​တြႃး​လႄႈ မူၼ်ႈ​ပျေႃႇ​ၼႂ်း​ဢမူႉ​ဢၼ်​ဢမ်ႇ​တြႃး​တင်း​သဵင်ႈ​တင်း​လူင်​ၼၼ်ႉ

လွင်ႈ​တၢင်း​ဢၼ်​ၵူၼ်း​ဢၼ်​ဢမ်ႇ​တြႃး​ၼၼ်ႉ မႃး​ၼၼ်ႉ​ၸမ်ႉ၊ မၼ်း​တၵ်း​ပႃး​ဢဝ်​တင်း တၼ်း​ၶူဝ်း​ၼီႉမိၵ်ႈ​လၢၵ်ႈၶၼႃႇ လွင်ႈ​တၢင်း​ဢၼ်​လီ​ဢၢမ်း​ၵူႈ​ၸိူဝ်ႉ​ၵူႈ​ပိူင်​ဢၼ်​ၸၢပ်ႈ​သႅင်ႇ​ၵၼ်​တင်း မူႉ​သႃႇ ဢိၵ်ႇ​တင်း​တၢင်း​ဢၼ်​ပႅတ်ႉ​လႅၼ် ဢၼ်​ဢမ်ႇ​တြႃး ၵူႈ​ၸိူဝ်ႉ​ၵူႈ​ပိူင် ပုၼ်ႈ​ၶဝ်​ၸိူဝ်း​ဢၼ် ႁွတ်ႈ​ထိုင်​တၢင်း​လူႉ​တၢင်း​လႅဝ်​ၼၼ်ႉ​သေ​လႄႈ ပေႃႇ​မႃး​ၵႃႈ​ၼင်ႇ​တၢင်း​ဢၼ် ၸႃႇတၢၼ်ႇ ​ႁဵတ်း​ပဵၼ်​ၼၼ်ႉ​ဢေႃႈ။- လွင်ႈ​မၼ်း​ၸမ်ႉ ၶဝ်​ၼၼ်ႉ​ဢမ်ႇ​ၶၢမ်ႇ​ဢမ်ႇ​ဢဝ် ၸႂ်​ဢၼ်​မူၼ်ႈ​ပျေႃႇ​ၼႂ်း​သမ်ႇမႃႇ​တြႃး ႁႂ်ႈ​လႆႈ​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ ဢဝ်​ၼၼ်ႉ။

ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ တၢင်း​ဢၼ်​လိုၵ်ႉ​ဢၼ်​လမ်ႇ ဢၼ်​ဢမ်ႇ​တြႃး​ၼၼ်ႉ​ၸိုင်၊ တေႃႈ​လဵဝ်​ၼႆႉ​ၵေႃႈ ယင်း​တိုၵ်ႉ ပွင်​ႁဵတ်း​ပွင်​မႄး​ယူႇ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၵေႃႉ​ဢၼ်​ႁႄႉ​ၶႅၼ်​ၼၼ်ႉ ၸူဝ်ႈ​ဢၼ်​မၼ်း​ဢမ်ႇ​ပႆႇ​လႆႈ​ႁွတ်ႈ​ထိုင်​တၢင်း​ဢၼ် ပႄႇ​ၽဵဝ်ႈ​ပႅတ်ႈ​ၸိုင်၊ တၵ်း​ႁႄႉ​တၵ်း​ၶႅၼ်​ယူႇ​ဢေႃႈ။