Popular Bible Verses from 2 ၵေႃးရိၼ်ႇထူႉ 9

Share

လွင်ႈ​ၼင်ႇ​ႁိုဝ်​သူ​တၵ်း​မီး​ဢုၵ်ႉ​ၸႃႇ ၵႃႈ​ဢၼ်​ၵုမ်ႇ​ၸူၵ်း​ၵုမ်ႇ​ၸၢႆႇ​သေႇ​သေႇ ၼႂ်း​လွင်ႈ​ၵူႈ​ၸိူဝ်ႉ​ၵူႈ​ပိူင်​လႄႈ ၼမ်​ၵိုၼ်း​ပျေႉ​ၸုမ်ႇ​တင်း တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း​ၵူႈ​မဵဝ်း​ၼၼ်ႉ​ၸိုင် ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​ႁႂ်ႈ​သူ​လႆႈ​ၼမ်​ၵိုၼ်း​ပျေႉ​ၸုမ်ႇ တင်း​သူႉ​ၵျေး​ၸူး​မင်ႇၵလႃႇ ၵူႈ​ၸိူဝ်ႉ​ၵူႈ​ဢၼ်​ယူႇ​ဢေႃႈ။

ၵူၼ်း​ၵူႈ​ၵေႃႉ​တၵ်း​လႆႈ​လူႇ ၸွမ်း​ၵႃႈ​ၼင်ႇ​ဢၼ်​တူဝ်​ၸဝ်ႈ​ၵဝ်ႇ မၵ်း​ၶၢၼ်း​ဝႆႉ​ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ​ဢေႃႈ၊ ဢမ်ႇ​လႆႈ​ပႃး​တင်း​ၸႂ်​ဢၼ်​သေ​လၢႆ​သေ​လႄႈ​လူႇ၊ ဢမ်ႇ​လႆႈ​ပႃး​တင်း​ၸႂ်​ဢၼ်​ထၢင်ႇ​လႄႈ​ဝႃႈ၊ ပေႃး​ယင်း​ဢမ်ႇ​လူႇ​ၸိုင်​ဢမ်ႇ​လႆႈ​ယူႇ၊ ဝႃႈ​ၼင်ႇ​ၼႆ​ၼၼ်ႉ​သေ​လႄႈ​လူႇ၊ လွင်ႈ​မၼ်း​ၸမ်ႉ​ၽြႃး​ပဵၼ်​ၸဝ်ႈ​ႁၵ်ႉ​ၵေႃႉ​ဢၼ်​ပႃး​တင်း​ၸႂ်​ၸေႇတၼႃႇ​သေ​လႄႈ​လူႇ​ၼၼ်ႉ​ၵူၺ်း​ဢေႃႈ။

ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ဢိတ်း​ၼိုင်ႈ​ၵူၺ်း​ၼၼ်ႉ တၵ်း​လႆႈ​ပၢတ်ႇ​ၶဝ်ႈ ဢိတ်း​ၼိုင်ႈ​ၵူၺ်း၊ ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼမ်​ၼႃႇ​ၼၼ်ႉ တၵ်း​လႆႈ​ပၢတ်ႇ​ၶဝ်ႈ​ၼမ်​ၼႃႇ​ဢေႃႈ​ဝႃႈ​ၼႆ မၢတ်ႈ​တွင်း​ဝႆႉ​တႃႉ။

ၸဝ်ႈ​ဢၼ်​ပၼ်​ၸိူဝ်ႉ​ပၼ်​ၽၼ်း ဢိၵ်ႇ​တင်း​ဢႁႃႇရႃႉ​တၢင်း​ၵိၼ် တီႈ​ၵေႃႉ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၼၼ်ႉ​တၵ်း​ပၼ်​ၸိူဝ်ႉ​ၽၼ်း တီႈ​သူ​လႄႈ ႁႂ်ႈ​မၼ်း​ၼမ်​မႃး​ၵိုၼ်း​မႃး​ဢေႃႈ၊ ဢၵျူဝ်း​တၢင်း​သိုဝ်ႈ​တေႃႇ​သူ​ၼၼ်ႉ​ၵေႃႈ မၼ်း​ၸဝ်ႈ​တၵ်း​ႁႂ်ႈ​ၽႄႈ​ၵႂၢင်ႈ​ၼမ်​ၵိုၼ်း​မႃး​ဢေႃႈ။- ၼင်ႇ​ၼၼ်​လႄႈ သူ​မီး​တၢင်း​ဢၼ်​ပျေႉ​ၸုမ်ႇ​လိူင်ႇ​ၸႂ် ၼႂ်း​ၵူႈ​ၸိူဝ်ႉ​ၵူႈ​ပိူင်​ပုၼ်ႈ​လွင်ႈ​တၢင်း​ဢၼ်​မီး​တင်း​ၸႂ်​ၸေႇတၼႃႇ​သေ​လႄႈ ၽႄ​ၸွၼ်း​ယိုၼ်ႈ​မႅင်ႇ​ၵူႈ​ၸိူဝ်ႉ​ၵူႈ​မဵဝ်း​ဢၼ်​ပွင်​ႁဵတ်း​တၢင်း​ဢၼ်​ယွင်ႈ​ယေႃး​ၵျေး​ၸူး​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ႁဝ်း​ၼၼ်ႉ​ယူႇ​ဢေႃႈ။

ႁႂ်ႈ​မီး​တၢင်း​ဢၼ်​ယွင်ႈ​ယေႃး​ၽြႃး​ပဵၼ်​ၸဝ်ႈ ပုၼ်ႈ​သူႉ​ၵျေး​ၸူး​မၼ်း​ၸဝ်ႈ​ဢၼ်​လၢတ်ႈ​ဢမ်ႇ​သဵင်ႈ​လႆႈ​ၼၼ်ႉ​သေ​ၵမ်း​လူၺ်ႈ။