Popular Bible Verses from 2 ၵေႃးရိၼ်ႇထူႉ 1

Share

ႁႂ်ႈ​ပေႃႈ​တၢင်း​ဢဵတ်း​လူ​ၵရူႉၼႃႇ​ၸဝ်ႈ တၢင်း​သၢၵ်ႈ​သႃႇ​ၵူႈ​ၸိူဝ်ႉ​ၵူႈ​ပိူင်​ဢၼ်​ဝႃႈ ၽြႃး​ပဵၼ်​ၸဝ်ႈ​ဢၼ်​ပဵၼ်​ၸဝ်ႈ​ပေႃႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ၼၼ်ႉ မီး​မင်ႇၵလႃႇ​သေ​ၵမ်း​လူၺ်ႈ၊- ၽြႃး​ပဵၼ်​ၸဝ်ႈ ႁႂ်ႈ​ႁဝ်း​သၢၵ်ႈ​သႃႇ ၼႂ်း​တၢင်း​ၽၢၼ်​ႁဝ်း​ၵူႈ​ၸိူဝ်ႉ​ၵူႈ​ပိူင် ႁႂ်ႈ​ႁဝ်း​လႆႈ​ႁႂ်ႈ​ၶဝ်​ၸိူဝ်း​ဢၼ်​ၶၢမ်ႇ​တၢင်း​ၽၢၼ်​ၵူႈ​ၸိူဝ်ႉ​ၵူႈ​ပိူင်​ၼၼ်ႉ သၢၵ်ႈ​သႃႇ မိူၼ်​ၸိူဝ်ႉ​ၼင်ႇ​ဢၼ်​ႁဝ်း​လႆႈ​တၢင်း​သၢၵ်ႈ​သႃႇ​ၵွပ်ႈ​ၵျေး​ၸူး​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။

ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၸိူဝ်ႉ​ၼင်ႇ​ဢၼ်​တၢင်း​ၽၢၼ် ဢၼ်​ၸဝ်ႈ​ၶရိၸ်ႈ​လႆႈ​ၶၢမ်ႇ​ၼၼ်ႉ ၼမ်​လူင်​ၼမ်​လၢင် ၵႃႈ​တီႈ​ႁဝ်း​ၼၼ်ႉ၊ တၢင်း​သၢၵ်ႈ​သႃႇ ဢၼ်​ႁဝ်း​လႆႈ​ၶၢမ်ႇ​ၼႆႉ ၼမ်​လူင်​ၼမ်​လၢင် ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ဢေႃႈ။

ဢၼ်​လႆႈ​ၶၢမ်ႇ​ၼၼ်ႉ​ၸမ်ႉ ပဵၼ်​ၼင်ႇ​ဢၼ်​ႁဝ်း​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​လႄႈ​ဝႃႈ၊​ႁႂ်ႈ​တၢႆ​တႃႉ၊ ဝႃႈ​ၼင်ႇ​ၼႆ​ၼၼ်ႉ ႁႂ်ႈ​ႁဝ်း​ဢမ်ႇ​ဢိင်​တူဝ်​ၸဝ်ႈ​ၵဝ်ႇ​လႄႈ ဢိင်​ၽြႃး​ပဵၼ်​ၸဝ်ႈ​ဢၼ်​ႁႂ်ႈ​ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​လုၵ်ႉ​ၶိုၼ်း၊

ၵေႃႉ​ဢၼ်​ႁႂ်ႈ သူ​တင်း​ႁဝ်း တႄႇ​ယူႇ​ၼႂ်း​ၸဝ်ႈ​ၶရိၸ်ႈ​လႄႈ​ပၼ်​ၽိၵ်ႈ​သိၵ်ႈ​ၸမ်ႉ၊ ပဵၼ်​ၽြႃး​ပဵၼ်​ၸဝ်ႈ၊- ဢၼ်​တွၵ်ႇ​တၼ်း​သိၵ်ႈ​တီႈ​ႁဝ်း​လႄႈ ဢဝ်​ၸရၢၼ်ႇ​ဢၼ်​ဝႃႈ ဝီႉၺိၺ်ႇ​ၸဝ်ႈ သႂၢင်း​သႂ်ႇ​ၵႃႈ​ၼႂ်း ႁူဝ်​ၸႂ်​ႁဝ်း​ဢေႃႈ။

ပိူဝ်ႈ​ၼႆ​လႄႈ ပေႃး​ႁဝ်း​လႆႈ​ၶၢမ်ႇ​တၢင်း​ၽၢၼ်​ၸိုင် ပဵၼ်​ပုၼ်ႈ​ဢၵျူဝ်း​၊တၢင်း​ဢၼ်​သူ​သၢၵ်ႈ​သႃႇ ဢိၵ်ႇ​တင်း၊​တၢင်း​ဢၼ်​ၵႄႇ​ၶျွတ်ႈ​ဢဝ်​သူ ဢၼ်​ပျေႉ​ၸုမ်ႇ​ၼႂ်း​တၢင်း​ဢၼ်​သူ​လႆႈ​ဢဝ် တၢင်း​ၸႂ်​ဢၼ်​ယိူၼ်ႉ​ၶၢမ်ႇ​ၼၼ်ႉ ၶၢမ်ႇ​တၢင်း​ၽၢၼ်​မိူၼ်​ၸိူဝ်ႉ​ၼင်ႇ ဢၼ်​ႁဝ်း​လႆႈ​ၶၢမ်ႇ​ၼၼ်ႉ​ဢေႃႈ၊​ဢမ်ႇ​ၼၼ်​ၵေႃႈ၊ပေႃး​ႁဝ်း​ႁွတ်ႈ​ထိုင်​တၢင်း​ဢၼ်​သၢၵ်ႈ​သႃႇ​ၸိုင်၊ပဵၼ်​ပုၼ်ႈ​ဢၵျူဝ်း တၢင်း​ဢၼ်​သူ​သၢၵ်ႈ​သႃႇ ဢိၵ်ႇ​တင်း​တၢင်း​ဢၼ်​ၵႄႇ​ၶျွတ်ႈ​ဢဝ်​သူ​ဢေႃႈ။