Popular Bible Verses from ROOMU SOKKA 14

Share

Maganu Gashshooti, Qullaawu Ayyaani aanno keeraanchimmaati, keereetinna hagiirreeti ikkinnina, itunna agu haja di"ikkino. Kunni garinni Kiristoosira soqqamanno manchi, Magano hagiirsiisannohonna mannuno galatannosiho.

Lubbotenni hee'nummoro Mootichaho hee'neemmo; reyinummorono Mootichaho reyineemmo. Kunnira, hee'nummorono reyinummorono Mootichunnireeti.

Mannu ledo keere hee'nanni garanna mimmito dhaambanni doogo ha'rate diinaggaambo.

Mimmitonke bushiisha agurro! Hatto assa agurre, ledo ammanaasinchi gufi're cubboho uwannokki gede qorophino.

Hakkuno, «Maganu, ‹Halaali'ya afanna, mannu baalu guluchisinni ane albaanni guluphanno; arrawu baalu ani Magano ikkoommota farci'ranno› yaanno» yine borreessinoonni garinniiti. Kunnira, mittu mittunku loosinke garinni Maganu albaanni shinqe xa'mammeemmo.

Ammana shaqqinoha ki'newa haadhesi ikkinnina hedosira yoo yitinoonte.

Wole soqqamaancho bushiishattohu ati ayeti? Isi uurrirono uwirono Mootichisi hajaati. Mootichu uurrisasira dandaanno daafira uurranno.