Popular Bible Verses from ROOMU SOKKA 12

Share

Maganu hedo dancha, hagiirsiissannotanna guuta ikkitinota affinanni gede, wodani'ne haaroo'mo ikkinnina tenne gobba mannita busha doogo hadhinoonte.

Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

Hexxotenni hagiidhe; qarru yannara cince; jaattine huuccidhe.

Busha danchu coyinni qeeli ikkinnina, bushu coyinni qeelantooti.

Mimmiti'ne ledo rodiimmate baxillinni baxamme; mimmito'ne ayirrisate qolchamme.

Baxilli'ne goowi aliha ikkoonke. Busha coye gibbe; dancha coye cu'midhe.

Dandiitiniha ikkiro, ki'ne widiidita mannu baalu ledo keere heedhe.

Jaalla'ya, Maganoho uyitine agurre ikkinnina ki'ne rabbisidhinoonte. Mootichu, «Rabba anete; rabba ani qoleemmo» yaanno.

Jawaattine loosse ikkinnina, cee'maleeyye ikkitinoonte. Ayyaanunni laalaattine Mootichahono soqqamme.

Qoltineno, mitti mitti'ne Maganu uyino'ne amma'na bikkinni umo'ne heeshshi assitine la'e ikkinnina, hasiisannohura aleenni heddinanni boo'nitinannikki gede uyinoonnie eltonni seejjeemmo'ne.

Busha assinohehura busha assite qoltooti. Mannu baalu albaanni dancha coye assate jawaati.

Mimmiti'ne ledo sumuu yitine heedhe; ki'nenee bokkeessa agurtine gadadaammu ledo aanne. «Ane ka'a egennaamu dino» yitooti.

Rabbisi'ra agurte baarigaarikki hudi'riro itisisi; goo'riro hayikkisisi. Hatto assakkinni umisi aana giirate kashilo duunatto.

Okkitanno'nere maassidhe; maassidhe ikkinnina runtinoonte. Hagiidhitannori ledo hagiidhe; wi'litannori ledo wi'le.

Gadadantino ammanaasine kaa'lensa; wosinchimma daggannore haadhensa.

Mitte mannimmara duuchu bisi no. Mittu mittunku bisi addi addi looso afi'rino. Ninkeno haammante hee'nenni, Kiristoosinni mitto bisooti. Mitte mannimma aana hee'noommo daafira, mitti mittinke ku'u ko'onni bisooti.