Popular Bible Verses from MAATEWOOSI 2

Share

Minira e'e qaaqqo amasi Maariyaami ledo nooha affe, guluphite kumbuultusi. Hakkunni gedensaanni ogorransa fante culka, hixaananna kaarbe afansha assite uyitusi.

Heeroodisi moohe noo yannara, Yesuusi Yihudu gobbara Beetelihemete Katamira ilami. Hatte yannara beeddahe la'anno ayyaanto soojjaatinni ka'e Yerusaalame dagge, «Soojjaato beeddakkosi anfe kumbuullammosira dangoommona, ilamihu Ayihudete moote hiikko no?» yite xa'mitu.

Beeddakko affu yannara quwa sa'e lowo geeshsha hagiidhitu.

Galagalte Heeroodisiwa martannokki gede Maganu haaqeete qorophisiiseennansa, wole doogo higge gobbansa hadhu. Beeddahe la'anno ayyaanto hadhuhu gedensaanni, Mootichu sokkaasinchi Yooseefiwa haaqeete daye, «Heeroodisi qaaqqo shaara hasi'ranni noona, ka'e amate ledo haadhe Gibitse xooqi! Kulammohe geeshsha hakko keeshshi!» yiisi.