Popular Bible Verses from GALATIYU SOKKA 5

Share

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate, joongilleho, meessanaa qee'late; togoore giwanno seeri dino.

Kunnira ani yeemmo'neti, Ayyaanu garinni heedhe! Maalu yorto horonta wonshitinoonte!

Ayyaanunni hee'neemmore ikkinummo geeshsha, Ayyaanu massagannanke hee'no!

Kiristoosi Yesuusire ikkitinori maalansa yortonsa ledo suttino.

Maalu loosi egennammoho; hakkuno: Foorrete, battete, saalimale heeshshooti, kaphu maganna magansi'rate, baarigaarrete, ginyishamate, hinaasate, hanqate, umo baxate, gosoomate, babbaxxate, dhiibbete, manna shaate, dimbate, sirbatenna woluno kore lawannoho. Balaxe kulummo'nente gede xaano lede yeemmo'nena, hattoo coye assitannori Maganu gashshoote diragidhanno.

Roduuwa'ya! Ki'ne borojjimmatenni fultinara woshshantinoonni. Ikkollana borojjimmatenni fula'ne mimmiti'nera baxillunni soqqantinannita ikkito ikkinnina, maalu yorto wonshitinannita ikkitoonke.

Maalu Ayyaanu hedannore dibaxanno; Ayyaanu qole maalu hedannore dibaxanno; lamunku mimmitu ledo giwantanno. Kunnira hasidhinoonnire assa didandiitinanni.

Mayira yitiniro, Seeru baalunku, «Manna umikki gede assite baxi!» yitannotenni mitte hajajonni qunqumaminoho.

Mimmitonke gibbote kakkayinsanni woy ku'u ko'onne hinaansanni mulla haafa adawadhinoonke.

Wolaphine hee'neemmo gede Kiristoosi borojjimmatenni fushshinonke. Kunnira, kaajjitine uurre! Galagaltine borojjimmate qambari giddora e'inoonte.