Popular Bible Verses from FULO 2

Share

Maganuno urattonsa macciishshe Abirihaami, Yisihaaqinna Yaiqoobi ledo eino gondooro hedi. Maganu Israeelete manni widira lae, shettote giddo noota afe kaa'lansara hasi'ri.

Lowo diri gedensaanni Gibitsete moote reyi; Israeelete manni kayinni borojjimmate gadadi giddo hee're kaa'lo afi'rate raari; raarensano Maganunniwa iillitu.

Lophihu gedensaanni, qaaqqo mootete beettowa haadhe abbiteenna, «Feriooni beetto beettooti» yinanna hee'ri. Iseno, «Wayi giddonni fushshoommaha ikkino daafira, su'masi Muse yeemma» yitu.

Mootete beettono mancho, «Konne qaaqqo haadhe qansitanni lossie; daafurikki waagano eemmahena» yituse. Manchono qaaqqo haadhe qansitu.

Hatte yannara, Feriooni beetto biso hayishshidhara wayi lagira dirritu; soqqamannose seennino wayi gama ha'ramanni no; iseno hedeweelcho haqalu mereero noo gimboola affe, soqqamaanchose sokke abbisiissu.

Muse wedellicha ikkihu gedensaanni, fule fiixasi towatanno woyite, gadadinseennansa kaajjado looso loossanni noota afi; hakkuyi aanano, mittu Gibitsichi mitto fiixasi Ibiraawicha gananna lai. Museno kawanna ka'a lae mannu nookkita afihu gedensaanni, Gibitsicha shee shaafu giddo madaare ha'ri.