Popular Bible Verses from FULO 12

Share

«Hakko hashshanni ani Gibitsete baatto baalate ha'ramanni, mitto mittonka mannunnihanna saadanniha umiricho baala sheemmo; Gibitsete maganna baala qorichisheemmo. Ani Kaaliiqaati. Xullichi'nera waalchoho noo mundee, ki'ne heedhinoonni mine ikkinota leellishshanno malaateeti; anino mundee afeemmo woyite agure saeemmo'ne; kunni garinni Gibitsoota qoomamunni ganeemmo yannara, ki'nera mittu qoomamino di"iillanno'ne.

Kuni barri, ani Kaaliiqi assoommo'nere qaagginanni gede, ayirrissinannie ayyaana ikko'ne; konne ayyaanano diru dirunkunni ilamate ilama geeshsha ayirrissinanni» yiinsa.

Ooso'ne, ‹Tini woga mayinnite?› yite xa'mitu'nero, ki'neno dawartine, ‹Kaaliiqi Gibitsete gobbara minenke agure sae Gibitsoota shaanni ninke gatisinonke daafira, tini Mararrote Ayyaani kakkalo Kaaliiqa ayirrinseemmote› yitine kullensa» yiino. Israeeleno konne coye macciishshite kumbuulte Kaaliiqa magansidhu.