Popular Bible Verses from LAYINKI QORONTOOSI 9

Share

Duuchanka woyite baalanka coye ikkanno geeshshiha afidhine, danchu loosi baalunkura halashshitine uyitinanni gede Maganu baalankare batise aa'nera dandaanno.

Maganu hagiidhe aannoha baxanno daafira, mittu mittunku wodanisinni baxe hagiidhanni oo ikkinnina, lamu wodaninni woy baxikkinni qarrame oonke.

«Shiima wixi'rinohu, shiima mixxanno; lowoha wixi'rinohu lowoha mixxanno» yinanni maammaashsha qaagge!

Wixi'rannohura wixa, itannohura tima halashshe aanno Magani wixidhinanni wixano fakkanche aanno'ne. Keeraanchimma'ne gumano halashshanno'ne. Uyitinanniri ninke widoonni iillannonsa manni baalu Magano galatanno gede, wo'manka woyite hagiidhitine uyitinara Maganu baalunku coyinni dureeyye assanno'ne.

Kulle gundannikki eltosi daafira Maganoho galatu galosi!