Popular Bible Verses from MACAAFA FAARFANNAA 91

Share

Waaqayyoon,<<Ani sitti kooluu galeera, ati masaraa koo ti; ati Waaqayyo koo isa ani amanadhuu dha>> in jedha*.

Namni golgaa isa hundumaa gara irraa jiru keessa jiraatu, gaaddisa isa hundumaa danda'uu jala in buufata

Inni ana in waammata, anis deebii nan kennaaf, yeroo rakkinaatti isaa wajjin nan jiraadha, achi keessaa isa nan baasa, ulfina akka inni argatus nan godha*.

Karaa ati adeemtu hundumaatti, akka si eeganiif ergamoota isaa siif in abbooma

harka isaatiin si golbooba, bobaa isaa jalatti kooluu in galta, amanamummaan isaa gaachanaa fi marsaa siif in ta'a*.

Ati,<<Yaa Waaqayyo, ati isa ani kooluu itti galuu dha>> jetteetta; isa hundumaa gara irraa jirus iddoo kooluu itti galtu godhatteetta. Wanti hamaan sitti hin bu'u, dha'ichis mana keetti hin dhi'aatu.

Waaqayyo, kiyyoo namni siif kaa'e, dha'icha nama balleessu irraas si oolcha

Kumni tokko si bukkeetti kumni kudhanis gara mirga keetti yoo kufan iyyuu, wanti namatti dhufu kun sitti hin dhi'aatu

Wanti halkan nama sodaachisu, xiyyi guyyaa namatti gad dhiifamus si hin sodaachisin! Dha'icha dukkanaan namatti dhufu, dhukkuba adeemaa saafaa nama balleessus hin sodaatin!