Popular Bible Verses from MACAAFA FAARFANNAA 63

Share

Yaa Waaqayyo, ati Waaqayyo koo ti, ani sin barbaada; lubbuun koo akkuma bishaanii si dheebotti, akka lafti bishaan dhabee, gogee dhama of keessaa fixus, foon koo si yaadee in gaggaba*

Gaarummaa kee argachuun, jireenya ani amma jiraadhu irra in wayya, kanaafis arrabni koo si jajata*

ani hamman jirutti sin galateeffadha, harka koo ol qabees maqaa kee nan waammadha.

kana irraa kan ka'es aangoo kee fi ulfina kee arguudhaaf iddoo kee isa qulqullaa'aa keessa ijaan sin barbaaddadhe.

ati gargaarsa anaaf taateetta, gaaddisa bobaa kee jalattis sagalee gammachuu nan dhageessisa*; lubbuun koo sitti in maxxana, harki kee mirgaas qajeelchee ol na qaba.

Lafa ciisicha kootti sin yaadadha, yeroon ilaalaa bulus waa'ee kee nan yaada*