Popular Bible Verses from MACAAFA FAARFANNAA 37

Share

Waaqayyotti gammachuu qabaadhu! Inni immoo kadhata garaa kee siif in kenna*.

Karaa kee Waaqayyotti kennadhu, isa amanadhu! Innis siif in raawwata*.

Waaqayyo duratti gab jedhi, obsaanis isa eeggadhu, nama karaa isaa wal qixxeeffatetti, nama wanta hamaa koratee fiixaan baafatettis hin aarin!

Waaqayyoon amanadhu, wanta gaarii ta'es hojjedhu; biyyuma keessa nagaadhaan taa'i, amanamummaas eeggadhu!

Ejjennaan namaa inni Waaqayyo jabeessu isa biraa in ka'a; karaan isaa sunis gooftaatti in tola, Waaqayyo harka isaa qabee waan isa eeguuf, inni yoo kufe iyyuu, lafa hin ga'u*.

Inni qajeelummaa kee akka ifaatti, dhugaa kees akka aduu saafaatti, bakkeetti in baasa*.

Dheekkamuu irraa of dhowwi, banbanuus dhiisi, inni hamaa hojjechuu duwwaatti waan si geessuuf hin aarin!

Dargaggummaa argeera, dulluma biras ga'eera; garuu namni qajeelaan utuu gatamuu, ijoolleen isaas waan nyaatan dhabanii utuu kadhatanii ani takkaa argee hin beeku*.

Warra waan jal'aa hojjetanitti hin aarin, waan isaan hamaa godhanii argatanittis hin hinaafin*!