Popular Bible Verses from Macaafa Ermiyaas Raajichaa 7

Share

Ani abboota keessan biyya Gibxii yommuun baase waa'ee qalma gubamuu fi waa'ee aarsaa dhi'aatuu isaanitti hin dubbanne, akka anaaf dhi'eessaniifis isaan hin abboomne; wanti ani isaan abboome garuu,<<Anaaf dhaga'aa, ani Waaqayyo keessan isiniif nan ta'a, isin immoo saba koo in taatu; wanta ani isin abboome hundumaas eegaa! Yommus wanti hundinuu isiniif in tola>> kan jedhu ture*.

Isaan garuu mataa jabaatanii wanta hamaa ofii isaaniitii yaadan duukaa bu'anii dugda anatti gatan malee, wantan isaanitti dubbadhe hin dhageenye, gurra isaaniis gara kootti hin qabne*.

<<Amala keessanii fi hojii keessan tolfadhaa, walii wajjinis jireenya qajeelaa jiraadhaa! Nama galaa, ijoollee abbaan irra hin jirre, haadha hiyyeessaas yoo cunqursuu dhiiftan, iddoo kanatti dhiiga nama balleessaa hin qabnee yoo dhangalaasuu dhabaattan, waaqayyolii ormaa duukaa bu'uudhaan wanta hamaa ofitti fiduu yoo dhiiftan, ani biyya isan bara baraan keessa akka jiraattaniif abboota keessaniif kenne keessa isin nan jiraachisa*.

Waaqayyo gooftaan maccaa, Waaqayyo inni kan Israa'el,<<Iddoo kana keessa akkan isin jiraachisutti, amala keessanii fi hojii keessan tolfadhaa*!