Popular Bible Verses from ERGAA YAAQOOB 3

Share

Ogummaan waaqa irraa garuu, hundumaa dura qullaa'aa dha, akkasumas naga-qabeessa, garraamii dha, of kennaa dha; oo'aan, ija gaariidhaanis guutuu dha; garaa hir'uun, of arguu dhabuunis keessa hin jiru*.

Isin keessaa namni ogeessi hubataanis jiraa? Inni karaa garraamummaa ogummaa keessaa argamu sanaa, adeemii isaa isa gaariidhaan hojii isaa isa gaarii haa mul'isu*.

Karaa isaa warra nagaa buusaniif, sanyiin ija qajeelummaa kennu nagaadhaan in facaafama*.

Lafa hinaaffaanii fi ofittummaan jiru, hammacamni, wanti hamaan hundinuus jira*.

Arabbaan maqaa Waaqayyoo gooftaa in eebbifna, isumaanis namoota fakkaattii Waaqayyootti uumaman in abaarra*. Afaanuma tokko keessaa eebbii fi abaarsi in ba'a; kun akkas ta'uun irra hin jiru, obboloota ko.

Arrabni ibidda; lafas jal'ina hundumaan in guuta. Arrabni bu'aa dhagna keenyaa keessatti iddoo dhaabataa qaba, guutummaa dhagnaas in xureessa; ofii isaatii qilillee ibiddaatiin qabsiifamee, naannoftuu dhalootaa hundumaatti ibidda in qabsiisa*.

Garuu namni arraba leejjisuu danda'u hin jiru; inni hamaa gabii hin qabnee dha, hadhaa du'a fiduunis guutuu dha*.

Obboloota ko, baay'een keessan barsiisota ta'uutti hin ariifatinaa! Nuyi warri barsiisota taanu warra kaan irra caalaa firdii fudhachuuf akka jirru in beektu.