Popular Bible Verses from Macaafa Lallabaa 5

Share

Afaan keetiin hin ariifatin, Waaqayyo duratti waa dubbachuudhaafis yaadaan hin jarjarin! Waaqayyo waaqa irra jira, ati garuu lafa irra jirta, kanaaf dubbiin kee muraasa haa ta'u*!

Waaqayyo badhaadhummaa fi qabeenya namaaf kennee, akka namni ga'aa isaa fudhatee, wanta itti dadhabetti gammadu gochuun kennaa isaa ti*

Namni horii jaallatu horii hin quufu, namni badhaadhummaa jaallatus isa hin quufu; kunis wanta waa'ee hin baafne dha*

Mana Waaqayyootti yommuu ol lixxu miilla kee eeggadhu! Dhaga'uudhaaf ol lixi! Dhaga'uun aarsaa isa warri gowwoonni dhi'eessan irra in caala; isaan waan hamaa akka hojjetan iyyuu hin beekan*.

Waaqayyoof wareega yommuu wareegdu dafii raawwadhu! Inni warra gowwootatti hin gammadu waan ta'eef, ati immoo akka warra gowwootaa utuu hin ta'in wanta wareegde raawwadhu*!

Isa wareegdu raawwachuu dhiisuu irra, wareeguu dhiisuu siif wayya

Namni hojjetaan muraasa nyaatus baay'ee nyaatus, hirriba gaarii qaba; baay'inni qabeenyaa garuu hirriba nama dhowwa.

Qullaa isaa garaa haadha isaa keessaa akkuma ba'e, akkasuma qullaa isaa biyyootti in deebi'a; wanta itti dadhabe keessaa tokko illee harkatti qabatee hin deebi'u*.