Popular Bible Verses from Maak 14

Share

Ni kööe, «Abba, Awuuö, jammi bëët lønynya jïrï. Wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï.»

Kuru ni lämu, kiper nou ba päänynyi. Kiper jwïëy wø jïëy møn, 'ba dëël jääk.»

Adïëri møn, a caana gø jïïu, kanyo wäro køp luumma nyään na met yie bäät piny bäre, gïna tïïc dhaagø manøgø enø, wø wäro caan ni parra wïc ki eni.»

Ni kööe jïge, ni «Cwïnya peek døc naa manynya thøø. Dööŋŋu kany ni kuru.»

'Ba kanya pootge ni ge cämö, Jecu alwötö ki møø, ni gwïëth gø, ni pøt gø, ni mëëk gø geni, ni kööe, «Lwørru. Man beeye dëëra.»

Ni lwöte ka athöödhi. 'Ba na nø dwøk met ec, amëëk geni, ni mäthge dëër gø bëët. Ni kööe jïge, ni «Man beeye remma mar luumma tuut ki jiy, ni køny piny kiper jiy mo thööth.

Ni kö Jecu jïge, ni «Uuni bëët a weyu wiiø. Kiper ogöörö, ni ‹Aani dïkwääy dïëk ogøøa, ni ö dïëki ni keethge.›

Ööu maal nøø aa nø. Neennu, ŋato cïp aani ceŋ nyïïmänna aløny ni öö.»

Ni kö Jecu jïgø, na «Adïëri møn, a caana gø jïrï, ni dïcäŋi, yi wäär man, ni gwienø poot kär köök kwöre ariiø, riï mooŋï mooŋø ki aani ki kwöre adäk naa kuyï.»