Popular Bible Verses from Mathiew 24

Share

'Ba kiper mano tïm rääö ni päl, thööth jiy mëër marge othïnhnhi. 'Ba ŋato jïëny gïïögø këël aŋuunne, opiem.

'Ba luumma nyään na met mar buya käl maal okøp dï piny bäre nee gïre wïny wïth juurre bëët. Køøre aŋuun piny oööi.

'Ba mänye ki waac mänye owïnynyu. 'Ba kär cwïnynyu bwøk. Kiper gïïögø kwøŋa tägö, 'ba cuŋŋe poodi.

Kiper paac mør dëëre othïïŋe ri paac mør, ni ö nyeya mørri ni thïïŋ ree ri nyeya mør, ni jït mïëri mo thööth ki meel, ni tïm kwör mo thööthi ni jäŋŋi. 'Ba gïïögø bëët beege nyäät gïï mo leth moo tägi.

Maal ki piny opöödhi, 'ba luupa ba dak.

Kiper jiy mo thööth oööi ki nyeŋŋa, ni kö ŋati man nø, ni ‹Beeye aani na Krictø.› Ni ö geni ni maaŋge wïth jiy mo thööth.

«Kanyøca uuno kïthge dhøk gïï mo leth, ni nääŋge uuni. Ni ö wïth juurre bëët ni mänge ki uuni kiper nyeŋŋa. 'Ba kaaca jiy mo thööth odøø cään, ni tïm ŋati man nø ni dëëre ŋeee ŋeeø ki watge maya, ni mänge ki røkge. 'Ba nyïïkuk Jwøk mo thööth mo patha adïëri rege othïïŋge ni maaŋge wïth jiy mo thööth.

Ni dwøk gø jïge, ni «Gwøgu rou, nee bäŋe ŋat mo maaŋ wïthu.

Kiper manøgønø, uuni thuwø, bëëdu ni røgu you jiiŋŋø. Kiper Wär Dhaanhø öö ri caa mo käru dïëdö.

Kiper manøgønø, kuru. Kiper dïcäŋo ö Kwääyu yie kuyu.

«'Ba dïcäŋöca ki yi caannøca, bäŋ ŋat ŋäc gø, këël nyïïatwiet maal wala Wäädö. 'Ba beeye Wuuö keere.

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

'Ba ööny Wär Dhaanhø otïmö kaamar nïr Nöa. Kiper kanya poot jwïïe ni kär öö, jiy abëëdö ni ge cämö ni ge mädhö, ni ge nyöömö, këël dïcäŋa ö Nöa na døny yi jääy, ni bëëtge ni ööny jwïïö kucge këël mana ö jwïïe ni dïïr wïthge bëët. 'Ba ööny Wär Dhaanhø otïmö ni caala manøgø thuwø.