Popular Bible Verses from Mathiew 19

Share

'Ba jïge aneen Jecu, ni kööe jïge, ni «Ki jï jiy, gïnögø ba maar lønyø. 'Ba ki jï Jwøk jammi bëët løny.»

Kanyøgønø, ge patha jiy ariiø këët, 'ba gena dëël aciel. Kiper manøgønø, gïï mo onø dwal Jwøki, kär dee ŋat pää ge.»

Ni dwøgi ya Jecu jïge, na «?Aŋø, käru kwaanø, ni Jwøk na cwääc jiy kanya cwääc piny, ‹gena cwääe na thwønh ki maath?› Ni put köö, ni ‹Kiper manøgønø, dhaanhø wänni ki menni wø wiie wiiø ni dwätge ki cïïe. Ni ö geni karge riet, ni tïmge na dëël aciel.›

'Ba Jecu aköö, ni «Weyu obwöre, nee öge baŋa; ni ba mänu ge. Kiper teeŋ obwöre moøgø nø, buya käl maal beeye marge.»

'Ba jiy mo thööth mo en nyïm ennø, odøø cään, ni ö mo en cään ennø ni pööthge maal.

'Ba jiy bëët moa näk mïëri moge ege wiiø, wala nyïïmëëkge, wala wëëkge, wala mëëkge, wala nyïïge, wala pwöth moge, kiper nyeŋŋa, geno jïti ki møøk mo thööth døc mo kaala geni, ni ci kwøwi mana näk adïëri mo bäŋ cuŋŋe jïge.

Ni kö Jecu jïgø, ni «Ni näk miï manynya man tïm bëëtö marï no othur kare ni beer bäre, ciï ni dwøgï gïïa en jïrï bëët pwödhö, ni mëëgï gwetge jøøa can, ni ööï ni cäädhï køøra. Køøre nø, ïïno jïti ki jap kwär maal.»

Ni dwøgi ya Jecu jïgø, na «?Aŋø, ï pëënynya aani kiper gïn mo beer? Beeye Jwøk keere ni beer. 'Ba ni näk miï manynya man ciï yi kwøw, gwøk gïïa cem Jwøki.»

Naa cäŋa u cäännö, ni jööta eni jï athïrööl ki man dønye ki waŋ lïlmu ki man ö ŋat mo okwärri ni døny buc Jwøk.»

'Ba a cäänna uuni, ni ŋat wäro kwier cïïe ni paa kiper käp, ni nyöömme ki dhaagø mør, mare beeye luk.»

Kanyøgø Jecu aköö jï bääge, na «Adïëri møn, a cäänna uuni, noo tïmö ni teek døc jï ŋat mo okwär ki man døny yi buya käl maal.