Popular Bible Verses from Mathiew 13

Share

'Ba mana jør yi ŋöömma beer beeye ŋat wø wïny luum Jwøk ni kwany tier gø, ni jïte ki nyeŋ møn, na aciel käla nyeŋ ma dïpa, ni kän maya ki pïërabïciel, ni maya käla pïëradäk.»

'Ba mana jør yïth koodhi, beeye ŋat wø wïny luubö. 'Ba eni bëëdö ni lääŋŋa jap piny, ki mëëc kwär. Ni ö gïïögø ni bøøcge luummögø, ni ba jïte ki nyeŋ.

Kany wø ö dhaanhe wø wïny luum buya käl maal ni ba kwany tier gø, ŋata raac wø öö ni juth gïna näk opiith cwïnye wøk. Manøgø caala mana näk ojør thääŋ jöö.

'Ba mana jør yi ŋöömma näk tiere da kïdi, beeye ŋat wø wïny luubö ni laar gø jïëc ki met cwïny. 'Ba bäŋ lweedø mo okëët piny ree, ni bëëdö ka kany mo thiinh keere. 'Ba kany wø ö gïï mo lethi ki caannø wø täkge kiper luummögø, eni luummögø laare ka wec.

«Buya käl maal caala jap kwärö mo perge leth mo okoony piny yi pwödhö, ni jooti ya dhaanhe ni cäŋ gø rïëpö. Ni mïn yie ni aae ni dwøk jape bëët pwödhö, ni ööe ni ŋeew pwöthögø.

'Ba köödhi møøk apäth yi ŋöömö mo beer, ni känge ki nyeŋ. Møøk käla nyeŋ ma dïpa, ni møøk käla pïërabïciel, ni kän møga ki pïëradäk.

Weyu nø, nee døøŋge karge riet këël kanyo cööp ri kac. 'Ba kanyo tïme na kar kac, ocaana jï jø kac, ni «Kwøŋu luum cooŋ ni twöyu gø na wïdhi kiper nee waaŋ, 'ba beel 'moa wär kïthu yo odek mara.» › »