Popular Bible Verses from Luup Dïpööy 12

Share

'Ba ennø, jammi bëët anø wïnyö, na aŋuun luubö beeye en. Lwäär Jwøk, ni gwøgï ciik moe, kiper manøgø beeye gïna doo tïïc jiyi bëët.

Kiper Jwøk jammi bëët kïthe kar ŋøl mare, ni beege jammi bëët moa näk tietge okanø, nee raac wala beer.

Par wïïï ki eni na cwääc ïïni ki yïth nïr thïnhö moï, kanyo poode ni nïra reyø poodi, ni kar cwiiri poot kär cäännö kanyo kööï, ni «Aani yia ba met ki bëëtö man;» ni beeye kanyo poode ni cäŋ, ki tar, ki dwääy ki ceer poot kär tïïö ni cøl, ni pøøl maal poot käre cäŋ tïïyö ni cøl køør køth

Par wïïï ki eni na Jwøk kanyo poode ni tiimme mana no otïïö ki gwel-bïrö poot kär cööt, ni dak mana no otïïö ki warkey poot kär keethø; ni gïr twøm pïï man wø en deŋ aguula poot kär nidhey, ni gïn wø käl pïï wøk ki yi iith poot kär ränynyö. Køøre nø, tør døøa yïth ŋøøm na käl yi gø, ni ö jwïëyi ni døø baŋ Jwøk na cïp gø.

Ni kö dïpööyi, ni «Bëëtö bäŋ tiere, bëëtö bäŋ tiere, ni jammi bëët bäŋ tietge!»