Popular Bible Verses from ରୋମୀ 7

Share

ନାହ୍ମାଏ ପ୍ରାଭୁ ଯୀଶୁ ଖ୍ରୀସ୍ତ୍‌ସ୍‌ ଏଙ୍ଗାନ୍ ପାପ୍‌ତି ଛଡ଼ାବାଚାଷ୍ ହୁଦ୍‌ଘିଲାଗାନ୍ ପାର୍‌ମେଶ୍ୱାର୍‌ସ୍‌କି ଧାନ୍ୟାବାଦ୍ ଚିଆଲ୍‌ଦାନ୍ ଏନ୍ ପାର୍‌ମେଶ୍ୱାର୍‌ସ୍‌କି ନିୟମ୍‌ବନ୍ ମାନାଗେ ଚାହଁଦାନ୍, ଲେକିନ୍ ଏଙ୍ଘାଏନୁ ରାନାବାଲା ପାପ୍ ସାଭାବ୍ ଏଙ୍ଗାନ୍ ପାପ୍ କାମ୍‌ତିଦ୍।

ଆରୁ ଏନ୍ ଆହ୍‌ଦାନ୍ କା ଏଙ୍ଘାଏନୁ ଏନ୍ଦେର୍‌ହି ବାନେ ଗୁଣ୍ ମାଲ୍ଲାଦିନ୍ ହୁଦ୍‌ଘିଲାଗାନ୍ ଏଙ୍ଘା ପାପ୍‌ଘି ସାଭାବ୍‌ଘି ଲାଗାନ୍ ଏନ୍ ଏକାଦ୍ ବାନେଦ୍ ଆବନ୍ କାମାଗେ ବେଦ୍ଦ୍‌ଦାନ୍ ଲେକିନ୍ କାମା ପଲ୍ଲଦାନିନ୍।

ଏନ୍ଦେର୍‌ଗେକା ଏକା ବାନେ ନାଲ୍‌ଖୁନ୍ କାମାଗେ ସୋଚ୍‌ଦାନ୍ ଆବନ୍‌ତା କାମା ପଲ୍ଲଦାନ୍ ଲେକିନ୍ ଏକା ଖାରାପ୍ ନାଲ୍‌ଖୁନ୍ ମା କାମାଗେ ଚାହଁଦାନ୍ ଆବନ୍ କାମ୍‌ଦାନ୍।

ଆରୁ ଏକାନ୍ ଏନ୍ ମା କାମାଗେ ଚାହଁଦାନ୍ ଲେକିନ୍ ଆବନ୍ ଏନ୍ କାମ୍‌ଦାନ୍ ତା ଅସଲ୍‌ନୁ ଆବନ୍ କାମ୍‌ନାବାଲା ଏନ୍ ମାଲ୍‌ଦାନ୍ ଲେକିନ୍ ଏଙ୍ଘାଏନୁ ରାନାବାଲା ପାପ୍‌ଦ୍ କାମିଦ୍।

ହୁଦ୍‌ଘିଲାଗାନ୍ ଏନ୍ ଏଙ୍ଘା ଜୀବନ୍‌ନୁ ଇ ନିୟମ୍‌ ହାକ୍କାନ୍ କା ଯେତ୍‌କବାକେନ୍ ଏନ୍ ବାନେ ନାଲ୍‌ଖୁ କାମାଗେ ଚାହଁଦାନ୍ ତା ଏନ୍ ଖାରାପ୍ ନାଲ୍‌ଖୁନ୍‌ନିନ୍ କାମା ଅଙ୍ଗ୍‌ଦାନ୍। ଏନ୍ଦେର୍‌ଗେକା ଏନ୍ ଏଙ୍ଘା ଜୀଆନୁ ପାର୍‌ମେଶ୍ୱାର୍‌ସ୍‌କି ନିୟମ୍‌ନୁହି ବହୁତ୍ ଖୁସ୍ ରାଦାନ୍।

ଆରୁ ଯଦି ଏନ୍ ଏକାନ୍ କାମାଗେ ମା ବେଦ୍ଦ୍‌ଦାନ୍ ଲେକିନ୍ ଆ ନାଲ୍‌ଖୁନ୍ କାମ୍‌ଦାନ୍ ତା ଏନ୍ ଆହ୍‌ଦାନ୍ କା ନିୟମ୍‌ଦ୍ ବାନେଦ୍।