Popular Bible Verses from ରୋମୀ 12

Share

ଆରୁ ଇ ଦୁନିଆଁନ୍ତା ଆଲାର୍ ଲେଖା ଆମାମାନା। ପାର୍‌ମେଶ୍ୱାର୍‌ସ୍ ନିହ୍ମା ମନ୍‌ବନ୍ ବାଦ୍‌ଲାନାସ୍ ତାକା ନିହ୍ମା ଚାଲିଚଲନ୍‌ହି ବାଦ୍‌ଲାରକୋ। ହାଲେ ପାର୍‌ମେଶ୍ୱାର୍‌ସ୍ ନିହ୍ମା ଲାଗାନ୍ ଏନ୍ଦେର୍ ଚାହାଁଲ୍‌ଦାସ୍ ଆବନ୍ ଆହାଅଙ୍ଗର୍। ପାର୍‌ମେଶ୍ୱାର୍‌ସ୍‌କି ଇଚ୍ଛା ବହୁତ୍ ବାନେଦ୍ ଆରୁ ଆ ଇଚ୍ଛାଘି ଲେଖା ନାମ୍ ଚାଲ୍‌ରତ୍ ତା ପାର୍‌ମେଶ୍ୱାର୍‌ସ୍ ଖୁସ୍ ମାନସ୍। ଆରୁ ନାମ୍ ବାନେ ଜୀବନ୍ ବିତାବା ଅଙ୍ଗତ୍।

ହୁଦ୍‌ଘିଲାଗାନ୍ ହେ ଭାଇ ଆରୁ ବୁହୁଣୀ ଜାମାରୋ, ଏନ୍ ନିମାନ୍ ପାର୍‌ମେଶ୍ୱାର୍‌ସ୍‌କି ଦାୟାନ୍ ମନେ କାମ୍‌ତିକିରି ଆର୍‌ଜୀବିନ୍ତି କାମ୍‌ଦାନ୍, କା ନିମ୍ ନିଜ୍‌କେନିଜ୍‌ବନ୍ ପୁରାପୁରୀ ପାର୍‌ମେଶ୍ୱାର୍‌ସ୍‌କେ ଅଣ୍ଟା ଜୀବିତ୍ ବଲୀଦାନ୍‌ଘି ରୂପ୍‌ନୁ ସୋଁପାଚା। ଆରୁ ପାର୍‌ମେଶ୍ୱାର୍‌ସ୍‌ସିନ୍ ଖୁସ୍ କାମ୍‌ନା ଲେଖା ଅଣ୍ଟା ପାବିତାର୍ ଜୀବନ୍ ବିତାବା। ଇଦ୍ ପାର୍‌ମେଶ୍ୱାର୍‌ସ୍‌କି ସେବା କାମ୍‌ନାଘି ଅସଲ୍ ପାବୁଦ୍।

ଆରୁ ପାର୍‌ମେଶ୍ୱାର୍‌ସ୍ ନିମାଗେ ଏକାନ୍ ଚିୟାଗେ କାତ୍‌ଥା ଚିଚ୍‌କାଦାସ୍ ଆବନ୍ ହାଖ୍ଖନାଘି ଆଶ୍ରା କାମିକିରି ରିଝ୍‌ରା। ଦୁଃଖୁ ତକ୍‌ଲିପ୍ ବାର୍‌ଚ୍‌କୁନ୍ ଧିରାଜ୍ ଧାରା। ଜାମାବାକେନ୍ ବିନ୍ତି କାମ୍‌ତେ ରା।

ଯଦି ନେଦିନ୍ ନିମାନ୍ ଖାରାପ୍ ବେଭାର୍ କାମ୍‌ଚାର୍ ତା ନିମ୍‌ହି ଖାରାପ୍ ବେଭାର୍ କାମିକିରି ଆଦ୍‌ଘି ବାଦ୍‌ଲା ଆମାହୁଆ, ଯଦି ଏନ୍ନେ କାମର୍ ତା ଖାରାପ୍ ନିହ୍ମାସ୍‌ତି ଜିତୋକୋ। ଲେକିନ୍ ବାନେ ନାଲ୍‌ଖୁ କାମିକିରି ଆବ୍ଡ଼ାର୍‌ଘି ଖାରାପ୍ ନାଲ୍‌ଖୁସ୍ତି ଜିତା।

ନିମ୍ ଏକ୍ ଦୁସ୍‌ରାରିନ୍ ଭାଇ ବୁହୁଣୀର୍ ଲେଖା ବାନେ ହାଖ୍ଖା, ଏକ୍ ଦୁସ୍‌ରାରିନ୍ ନିଜର୍‌ସ୍‌ତି ବାଡ଼୍‌କା ବୁଲି ସୋଚିକିରି ଆବ୍ଡ଼ାର୍‌ଘି ମାଇନ୍ କାମା।

ନିମ୍ ଏକ୍ ଦୁସ୍‌ରାରିନ୍ ସତ୍ତୁନ୍ ବାନେ ହାଖ୍ଖା, ଏକାଦ୍ ଖାରାପ୍‌ଦ୍ ଆବନ୍ ହାଁଣା ତୁପ୍‌ଫା, ଆରୁ ବାନେ ନାଲ୍‌ଖୁନ୍ କାମ୍‌ତେ ରା।

ଯେତ୍‌କତକ୍ ମାନା ଅଙ୍ଗି ନିମ୍ ଜାମା ଆଲାର୍ ଗାନେ ଶାନ୍ତିନୁ ରା।

ହେ ଏଙ୍ଘା ପ୍ୟାରେ ଭାଇ ଆରୁ ବୁହୁଣୀଜାମାରୋ, ନିମ୍ ବାଦ୍‌ଲା ଆମ୍‌କେ ହୁଆ। ଲେକିନ୍ ପାର୍‌ମେଶ୍ୱାର୍‌ସିନ୍ ବାଦ୍‌ଲା ହୁଆଗେ ଚିଆ, ଏନ୍ଦେର୍‌ଗେକା ପାବିତାର୍ ଶାସ୍ତ୍ରନୁ ଲେଖ୍‌ଚ୍‌କା ରାଇ କା, “ପ୍ରାଭୁସ୍ ତେଙ୍ଗ୍‌ଦାସ୍ ବାଦ୍‌ଲା ହୋନାଦ୍ ଏଙ୍ଘା ନାଲ୍‌ଖୁଦ୍, ଏନ୍‌ନିନ୍ ବାଦ୍‌ଲା ହୋନ୍।”

ବହୁତ୍ ମେହ୍‌ନତ୍ କାମ୍‌ତେ ରା, ଆମା କୁଢ଼ିୟା ରା। ପୁରା ମନ୍‌ତି ପ୍ରାଭୁସ୍‌କି ସେବା କାମ୍‌ତେ ରା।

ଏନ୍ଦେର୍‌ଗେକା ପାର୍‌ମେଶ୍ୱାର୍‌ସ୍ ଏଙ୍ଘା ମିଆଁ ଏକା ବାର୍‌ଦାନ୍ ଚିଚ୍‌କାଦାସ୍, ଆବନ୍ ମନେ କାମିକିରି ନିହ୍ମାସ୍‌ତି ଅର୍‌ତୁ ଅର୍‌ତୁରିନ୍ ତେଙ୍ଗାଲ୍‌ଦାନ୍ କା ନିମ୍ ଯେତ୍‌କର୍ ବିଶ୍ୱାସ୍‌ଘି ଲାଇଗ୍ ରାଦାର୍ ଆଦ୍‌ଘିନ୍ତି ବାଗ୍ଗେ ନିଜ୍‌କେନିଜ୍ ଆମା ସୋଚା ଲେକିନ୍ ପାର୍‌ମେଶ୍ୱାର୍‌ସ୍ ନାମାଗେ ଯେତ୍‌କ ବିଶ୍ୱାସ୍ ଚିଚ୍‌କାଦାସ୍ ଆ ବିଶ୍ୱାସ୍‌ବନ୍ ବାନେ ସୋଚ୍‌ବିଚାର୍ କାମିକିରି ବେଭାର୍ କାମା।

ଏକାର୍ ନିହ୍ମାଗାନେ ଖାରାପ୍ ବେଭାର୍ କାମ୍‌ଚ୍‌କାନାଏ ଆବ୍ଡ଼ାର୍‌ଘି ବାଦ୍‌ଲା ଆମାହୁଆ। ଆରୁ ଏକାଦ୍ ଜାମାର୍‌ଘି ନଜର୍‌ନୁ ବାନେଦ୍ ଆବନ୍ କାମାଗେ ସୋଚା।

ଜାମାର୍‌ଗାନେ ବାନେକିରି ରା, ବଡ଼୍‌ପଣି ଆମା ଏଦ୍‌ରା; ନରମ୍ ଆଲାର୍ ଗାନେ ମେଶ୍ରିକିରି ରା; ନିଜ୍‌କେନିଜ୍ ବୁଦ୍ଧିୟାର୍ ଆମା ସୋଚା।

ଲେକିନ୍ ଯଦି ନିହ୍ମା ବିରୋଧିସ୍‌ଗେ କିଡ଼ା ଲାଗ୍ଗାଲ୍‌କିରୋତା ଆସ୍‌ଗେ ଅନାଗେ ଚିଆ; ଆରୁ ଯଦି ଆମ୍ମୁକିଡ଼ା ଲାଗ୍ଗାଲ୍‌କିରୋତା ଆମ୍ମୁ ହାପ୍ପାଗେ ଚିଆ; ଏନ୍ଦେର୍‌ଗେକା ଏନ୍ନେ କାମର୍ ତା ଆସ୍ ଲାଜରସ୍।

ଏକାର୍ ନିମାନ୍ ସାଧ୍‌ନାଏ ଆବ୍ଡ଼ାରିନ୍ ସାରାପ୍ ଆମା ଚିଆ ଲେକିନ୍ ପାର୍‌ମେଶ୍ୱାର୍‌ସ୍ ଆବ୍ଡ଼ାର୍‌ଗେ ଆଶିଷ୍ ଚସ୍ ହୁଦ୍‌ଘିଲାଗାନ୍ ବିନ୍ତି କାମା। ଖୁସୀ ମାନାବୁର୍ ଗାନେ ଖୁସୀମାନାବା, ଆରୁ ଏକାର୍ ଦୁଃଖୁନୁ ରାନାଏ ଆବ୍ଡ଼ାର୍ ଗାନେ ଦୁଃଖୁ ମାନା।

ବିଶ୍ୱାସୀ ଆଲାର୍‌ଗେ ଏକାଦ୍ ଦାର୍‌କାର୍ ରାଇ ଆବନ୍ ପୁରା କାମା। ବିଶ୍ୱାସୀ ଜାମାର୍‌ଘି ଲାଗାନ୍ ନିହ୍ମା ବାଲି ଜାମାବାକେନ୍ ଖୁଲା ଉଇୟା।

ଏନ୍ଦେର୍‌ଗେକା ନାହ୍ମା ଅଣ୍ଟା ମେଦୁନୁ ବହୁତ୍ ଅଙ୍ଗ ରାଇ ଆରୁ ଜାମା ଅଙ୍ଗଘି ଭିନେ-ଭିନେ ନାଲ୍‌ଖୁ ରାଇ। ହନ୍ନେନ୍ ନାମ୍‌ହି ବହୁତ୍ ରାଦାତ୍ ଲେକିନ୍ ଖ୍ରୀସ୍ତ୍‌ସ୍‌କିନୁ ନାମ୍ ରାଦାତ୍ ହୁଦ୍‌ଘିଲାଗାନ୍ ନାମ୍ ଅଣ୍ଟା ମେଦୁଘି ଭିନେ-ଭିନେ ଅଙ୍ଗ ଲେଖା ରାଦାତ୍। ଆରୁ ଏନ୍ନେନ୍ ଅଣ୍ଟା ଅଙ୍ଗଘି ଆରୁ ଅଣ୍ଟା ଅଙ୍ଗଗାନେ ବାନେ ସମ୍ୱନ୍ଧ ରାଇ।