Popular Bible Verses from ପ୍ରେରିତ୍ 9

Share

ଲେକିନ୍ ପ୍ରାଭୁସ୍ ଆସିନ୍ ତେଙ୍ଗିୟାସ୍, “କାଲା; ଏନ୍ଦେର୍‌ଗେ ଆସ୍ ବିନାୟାହୁଦୀଆ, ରାଜା ଆରୁ ଇସ୍ରାଏଲ୍ ଜାମାର୍‌ଘି ଆଘ୍‌ଲି ଏଙ୍ଘା ନାମେ ହୁନାଘି ଲାଗାନ୍ ଏଙ୍ଘା ଅଣ୍ଟା ଚାଜ୍ଜକା ଆଲାସ୍।

ଆଦ୍‌ଘି ଲାଗାନ୍ ଆସ୍ ହେଁହ୍‌ଲାନୁ ଖାତ୍‌ରାସ୍ କେରାସ୍ ଆରୁ ଏନ୍ନେ ଶବଦ୍ ମେନ୍‌ଚାସ୍, “ହେ ଶାଉଲ୍, ହେ ଶାଉଲ୍, ଏନ୍ଦେର୍‌ଗେ ନିନ୍ ଏଙ୍ଗାନ୍ ସାତାବାଲ୍‌ଦାଏ?” ଶାଉଲ୍‌ସ୍ ମେନ୍‌ଚାସ୍, “ହେ ପ୍ରାଭୁ, ନିନ୍ ନେଦ୍?” ଆରୁ ଆସ୍ ତେଙ୍ଗିୟାସ୍, “ଏନ୍ ଯୀଶୁନ୍, ନେକାନ୍ ନିନ୍ ସାତାବାଲ୍‌ଦାଏ।

ଆନ୍ତିନ୍ ହାନ୍ନାନିୟାସ୍ ଉସ୍‌କାରାଇକିରି ଆ ଆଡ଼୍‌ପାଗେ କେରାସ୍ ଆରୁ ଶାଉଲ୍‌ସ୍‌କି ମିଆଁ ହେଖ୍ଖା ଉଇୟିକିରି ତେଙ୍ଗିୟାସ୍, “ହେ ଭାଇ ଶାଉଲ୍, ପ୍ରାଭୁ ଯୀଶୁସ୍, ଏକାସ୍ ନିଙ୍ଘା ବାର୍‌ନା ପାବୁନୁ ଦର୍ଶନ୍ ଚିଚ୍ଚାସ୍ ଆସ୍ ଏଙ୍ଗାନ୍ ତାଏକାଦାସ୍ ତାକା ନିନ୍ ଆରୁଅହନ୍ ଏରା ଅଙ୍ଗୟ ଆରୁ ପାବିତାର୍ ଆତ୍ମାତି ଭାର୍‌ପୁର୍ ମାନୟକୟ।” ହୁଙ୍ଗେନିନ୍ ଆସ୍‌କି ହାନ୍ନୁନ୍‌ନ୍ତି କାତି ଲେଖା ଏନ୍ଦେଦ୍ ଖାତ୍‌ରା ଆରୁ ଏରାଗେ ଲାଗ୍ଗିୟାସ୍, ଆରୁ ଆସ୍ ଉସ୍‌କାରାଇକିରି ଆସ୍ନାନ୍ ଅଚ୍ଚାସ୍।