Popular Bible Verses from ഗലാത്ത്യക്കാറാര് 6

Share

അദ്‌ണാലെ ണിമ്മ ണല്ല കാര്യഗ സെയ്‌രാദിലി സോറ്റു പോഗാദി. അച്ചെ സോറ്റു പോഗാദെ ഇര്‌ന്ത സാമി ബെത്തിര്‌ക്ക ഗള്യേക്ക് അദ്‌ക്കുള്ള കൂലി ണിമാക്ക് കെ്ഡേസില.

ണല്ലാദ് സെയ്യ താപ്പ് കെ്ഡേക്കാട്ട്യെല്ല എല്ലാര്‌ക്ക്‌മ് ണല്ലാദ് സെയ്‌ഡൊ. മുക്ക്യമായി ണമാണ പാസെ ഏസുണ ണമ്പിര്‌ക്കവാര്‌ക്ക്.

ബുദ്ദിമുട്ടുഗ ബര്‌ഗാട്ടി ണിമ്മ ആങ്കീങ്ക് കയ്യിതാങ്കി കൊള്ളുഡൊ. അച്ചെ ക്‌റ്‌സ്‌ത്ത് ബെത്ത സട്ടാക്ക് കെ്ട്ട്‌പട്ട് ണഡാക്ക്യ ണിമാക്ക് മുഡ്യു.

അവാനവാ് അവാനവാന താനെ സദിക്ക ബേ്ഡ. സാമിന ഏമാത്ത്യ മുഡ്യു എന്ത് ണെനേക്ക ബേ്ഡ. അവാനവാ് സെയ്‌രാദ് അവാനവാന്‌ക്ക് താനെ കെ്ഡേക്കു.

തന്ന് പിര്യാക്ക് കെ്ട്ട കാര്യഗ സെയ്‌രവാ് ഒരേപെ്ട്ട് കെ്ട്ട് പോവാ്. ആന സാമിണിഗാല്‌ക്ക് കെ്ട്ട്‌പട്ട് ണഡാക്കവാ് എപ്പേക്ക്‌മ് ഇര്‌ക്ക പെ്ളേപ്പ്‌ണ കെ്ഡേസുവാ്.

ഏസുക്കാറാരാന എന്ന് എ്ണേവുക്കാറാരെ, ണിമ്മ് കൂട്ടാത്തിലി ആരാറ്റ് ഏദാറ്റ് ഒരു പാവാക്ക് സിക്ക്യേങ്ക് ഇര്‌ന്ത സാമിണിഗാല്‌ക്ക് കെ്ട്ട്‌പട്ടിര്‌ക്ക ണിമ്മ താനെ അയാള്‌ക്ക് ണിദാനത്തോഡെ സൊല്ലി അയാള്‌ണ പാവാത്തിലിര്‌ന്ത് ബ്‌ഡ്‌സി എ്ഡ്‌ക്കുഡൊ. ആന ണീമ് പാവാക്ക് സിക്കാദെ ഇര്‌ക്ക്യ സൂസാരിത്ത് കൊള്ളുഡൊ.

ണിമ്മ് കൂട്ടാത്തിലി ആരാറ്റ് ബെല്ല്യവാ് അല്ലാദായിര്‌ന്ത് ഗൂഡി ബെല്ല്യവാ് എന്ത് ണെനേക്കദാനാക്കി അവാ് തനാണതാനെ സദിക്കാ്. ഒരൊരു ആള്‌മ് അവാനവാ് സെയ്‌ര കാര്യണ ണല്ലാദ കെ്ട്ടാദ എന്ത് അവാനവാ് താനെ ണോഡുഡൊ. അദ് ണല്ലാദെന്ത് കണ്ട അദ്‌ണ പിര്യപഡുഡൊ. അല്ലാദെ ബേ്റൊരുത്താ് സെയ്‌ദ കാര്യാക്ക് താന് സെയ്‌ദാദ്‌ണ എ്ണേത്ത് ണോഡ ബേ്ഡ. എന്ത്‌ക്കെന്റ ഒരൊരു ആള്‌മ് അവാനവാ് ഏറ്റ്‌കൊണ്ട പൊറുപ്പ്‌ണ അവാനവാ് താനെ സെയ്‌ഡൊ.