Popular Bible Verses from 2 കൊരിന്ത്യക്കാറാര് 1

Share

ണമ്മ്‌ദ് സാമിമ് ണമ്മ് ആണ്ടവാ് ഏസു ക്‌റ്‌സ്‌ത്ത്‌ദ് അപ്പാന്‌മാന സാമിക്ക് ണാന് ണണ്ണി സൊല്ലുറെ, അയ്യി സാമി ഗവ ഇര്‌ക്ക അപ്പാന്‌മ് എല്ല ദിന്‌സിലിമ് പിരാക്കി ബെക്ക സാമിമ്‌ത്തെ. എമാക്ക് ബര എല്ല ദിന്‌സ് കജട്ടഗളിലിമ് സാമി എമാണ പിരാക്കി ബെക്കാ്. അച്ചെ സാമി എമാണ പിരാക്കി ബെക്കാദ്‌ണാലെ ഒരൊരു ആള്‌ക്ക് ബര കജട്ടഗളിലിര്‌ന്ത്‌മ് എമാക്ക് അവാര്‌ണ പിരാക്കി ബെക്ക്യ മുഡ്യു.

ക്‌റ്‌സ്‌ത്ത് പട്ട കൊഡിമെഗ ണമ്മ് പെ്ളേപ്പിലി പെര്‌ഗി ബര പാസെ ക്‌റ്‌സ്‌ത്താലെ സാമി എമാണ പിരാക്ക്‌റാദ്‌മ് പെര്‌ഗി ബര്‌ദ്.

കൊല്ല്യ ബേ്ണ്ടി ബിദിത്തിര്‌ക്ക ആള്‌ഗാത്തെ എന്ത് എമ്മ എമാണ പറ്റി ണെനേക്കാക്കുള്ളാദ് ബന്ത്‌ദ്. ആന എമ്മ ഈ കജട്ടഗളെല്ല പട്ട്‌കൊണ്ട് പോരാദ്‌ണാലെ എമ്മ എമാണ ണമ്പിക്കെ ബെക്കാദെ സത്തവാര്‌ണ ഉജുറേ്ത്തിന സാമിക്കെ താനെത്തെ അണ്ടികൊള്ളുഡൊ എങ്കാദാറ്റ്.

ണമാണ എല്ലാര്‌ണാമ് ക്‌റ്‌സ്‌ത്ത്‌ക്ക് ബേ്ണ്ടി ഒന്നേത്ത് എ്ഡ്‌ത്താദ് സാമിത്തെ. അയ്യി സാമിത്തെ ണമ്മ റണ്ട് കൂട്ടാര്‌ണാമ് ക്‌റ്‌സ്‌ത്ത്‌ക്ക് ബേ്ണ്ടി ഒറേപ്പാക്കി ണില്ല്‌സ്‌റാദ്‌മ്. ണമ്മ സാമിദ് സൊന്തക്കാറാര് എന്ത്‌മ് ണമാക്ക് ബേ്ണ്ടി സാമി പേ്ണ്‌സി ബെത്തിര്‌ക്കാദ് ഒട്ടുക്ക് കെ്ഡേക്കു എന്ത്‌മ് ഒറേപ്പാക്ക്യ ബേ്ണ്ടി സാമി തന്ന് ണിഗാല്‌ണ അഡ്യാള ആയി മുദതാനെ ണമ്മ് മനേസ്സ്‌ക്ക് തന്തിര്‌ക്കാ്.

എമ്മ കജട്ടപഡ്‌ഗാട്ടി എമാക്ക് ണിമാണ പിരാക്കി ബെക്ക്യ മുഡ്യു. അച്ചെ ണിമാക്ക് സാമി ആസെപഡ്‌റ പാസെ പെ്ളേക്കവാര് ആയ മുഡ്യു. എമാക്ക് ബന്ത കജട്ടാത്തിലി എമ്മ പിരാക്കി ബെത്തിര്‌ക്കവാര് ആനാക്കി അദേ കജട്ടഗ ണിമാക്ക് ബര്‌ഗാട്ടി ണിമാക്ക്‌മ് അദ്‌ണ പൊറിമോഡെ താങ്ക്യ മുഡ്യു.