Popular Bible Verses from ROMA 16

Share

Mawu Ruata ko nangonggo u pudarame su taumata, maehong sarung mamilo u setang su l᷊al᷊ung u kawasa ngi kumu dang mundusa si sie Mal᷊umbako manga ana u simbau sintinia ial᷊amateng I Yesus Kristus Mawu ngi kite!

Manga ana u simbau! Ia mundo kere botonge: Pakaingati su manga taumata ko makakoa putatal᷊ei dang makarusa pangangimang u taumata su Mawu. Hal᷊i e'e mutatintang dingang u apa ko seng nitintiro si kumu. Pakarauko bou taumata kere'e.

Watu'u apang taumata ko mukoa kere'e wal᷊inge muhal᷊i guna ngi Kristus Mawu ngi kite, kateho tadeau mupakawatu kao u naung i sire sisane. Dingang u didato mapia, i sire mangakal᷊i apang taumata ko wugha ngu manga apa.

Dalo su Mawu Ruata! I Sie makawasa mupakatoghasi pangangimang i kumu musul᷊ung kere su Habari Mapia bou Mawu Ruata ko daku nihabari bou hal᷊i I Yesus Kristus. Ia muhabari habari e'e musul᷊ung su apa ko niul᷊i u Mawu Ruata; e'e ko hal᷊i u kirou ngu Mawu Ruata ko seng hasue su taunge l᷊iwuenge ta nikatitonang u taumata. Arawe tempo i'i, bou parenta ngu Mawu Ruata ko kakal, kirou e'e seng nil᷊ahe dang nipakatitong su kaul᷊i bangsa bou apang wohe u manga nabi, tadeau i sire kaul᷊ie mangimang dang matuhu su Mawu Ruata. Kitang I Sie sisane Mawu Ruata, I Sie pung u kapapilesa. Mal᷊umbako I Sie ipakarange sarang kal᷊iwuenge su l᷊al᷊ung I Yesus Kristus! Aming. Adati i kami, i Paulus, l᷊ang I Kristus Yesus