Popular Bible Verses from ROMA 10

Share

Watu'u boko i kumu mangaku su mohong himoneu “I Yesus e'e ko Mawu”, dang i kumu mangimang su l᷊al᷊ung u naung u himoneu Mawu Ruata seng nupuwiahi I Yesus bou papate, kuteu i kumu sarung masal᷊amati.

Watu'u dingang u naunge taumata mangimang, hakiu Mawu Ruata manarima i sie kere taumata ko seng nutingkapia dingang u Mawu Ruata. Dang dingang u mohonge taumata mangaku hakiu i sie ipakasal᷊amati.

E'e sabapie apang taumata nangimang watu'u i sire nakaringihi habari, dang habari nikaringihi watu'u pia taumata ko nuhabari u hal᷊i I Kristus.

Su l᷊al᷊ung u Buki Susi kawawohe, “Taumata ko mangimang ta sarung ipakasusa naunge.” E'e mariadi su kaul᷊i u taumata, watu'u takoae putatintangenge su tal᷊oara u tau Yahudi dingang u apang taumata bou bangsa ko wal᷊inge. Mawu Ruata ko mang simbau e'e ko Mawu ngu kaul᷊i u taumata. I Sie mangonggo u al᷊amati maul᷊i-ul᷊i su kaul᷊i u taumata ko makitul᷊ung si Sie. Su l᷊al᷊ung u Buki Susi kawawohe, “Kaul᷊i u taumata ko mukui su Mawu, sarung masal᷊amati.”

Dang kirapa taumata mumbawa habari e'e boko takoae ko niroi? Su l᷊al᷊ung u Buki Susi kawawohe kiri'i, “Wal᷊inge gampang kapiange sasongo ngu manga taumata ko mumbawa Habari Mapia bou Mawu Ruata!”

Watu'u kirapa taumata makapukui su Mawu boko i sire mborong ta mangimang? Dang kirapa i sire mangimang su Mawu boko i sire mborong ta makaringihi bou hal᷊i I Sie? L᷊ai, kirapa i sire makaringihi bou hal᷊i u Mawu, boko takoae ko muhabari?

Atorang u Agama seng nipakaganapi I Kristus. Inau apang taumata ko mangimang si Kristus, pukakauhie dingang u Mawu Ruata seng sau napia.