Popular Bible Verses from SASUWANG 15

Share

Angkung u MAWU, “Raringihiko pakapia-pia si Sia, dang koako apang ko tuhungang mapia; tuhukete kaul᷊i u parenta-Ku. Bou i kumu mukoa ko kere'e, i kumu ta sarung Daku ihukung dingang u manga sahinda ko Daku itimbo su taumata ngu Mesir. Ko Ia MAWU nupakaul᷊e ngi kumu.”

MAWU pananimbukaku ko matoghasi; I Sie ko nupakasal᷊amati si sia. Ko I Sie Mawu Ruataku, ia mo mudalo si Sie, Mawu Ruata ko isusumba ngi upungku, Daku wantughang I Sie.

Mahang ruata sude ko makasul᷊ung si Kau, O MAWU ko kawantughange dang susi? I sai botonge makakoa manga tatia ko makal᷊aherang dang hal᷊i ko l᷊abo kere MAWU?

I Kau nangaha bangsa ko seng nipakasal᷊amati i'i, watu'u I Kau satia su diandi-Ngu. Dingang katatoghasi ko l᷊abo i sire nisirungang-U, dang niaha-U sarang tana-U ko susi.

Bou e'e nuratingte i sire su tampa ko arenge Mara, kateho ake su se'e mapai kahingang, hakiu ta nikainung. Watu'u e'e tampa e'e nisigho Mara, mangal᷊enge mapai. Kuteu manga taumata e'e nusughal᷊i si Musa dang nukina, “Apa ko sarung inungang i kite?” I Musa nukal᷊iomaneng singapang botonge su MAWU, bou e'e MAWU nanibo u simpoto kau si sie. Kau e'e niteleri i Musa sarang l᷊al᷊ung ake, bou e'e ake e'e nalele, hakiu botonge inungang. Su tampa e'e MAWU nangonggo u manga atorang si sire, dang se'e l᷊ai I Sie nanal᷊uka si sire.