Popular Bible Verses from WUKE NGU MANGA RASULI 3

Share

Watu'u e'e manga ana u simbau, putobati bou kaul᷊i u dosa ngi kumu dang pusul᷊ete su Mawu Ruata, tadeau I Sie mangumu manga dosa ngi kumu.

Kateho i Petrus nuhabari si sie, “Ia takoa-koae doi. Kateho apa ko pia si sia, e'e sarung daku ionggo si kau: Dingang u kawasa I Yesus Kristus tau Nazaret e'e, l᷊al᷊engte!”

Bou e'e i Petrus nuhinggo l᷊ima kuaneng u tau ko kesohi e'e dang nutul᷊ung si sie pararisi. L᷊aeri tau e'e dingang u kal᷊entoe turusi natoghasi. Bou e'e i sie nul᷊uminso nurumarisi, dang nanita nul᷊umal᷊eng tarai namai. Bou e'e i sie nusumu su Wal᷊e ngu Mawu dingang i Petrus sire rua ngi Yohanes, mangkate kal᷊al᷊enge dang kal᷊insoe dang kapundalonge Mawu Ruata.

Manga ana u simbau seng nakawua dang nakapusaksi ngu apa ko nariadi su tau ko kesohi i'i. I sie seng natoghasi dang naul᷊e ual᷊ing i sie mangimang si Yesus dingang u kawasang-E. Ual᷊ingu nangimang si Yesus hakiu tau i'i seng naul᷊e su tingo ngu manga ana u simbau.