Popular Bible Verses from WUKE NGU MANGA RASULI 17

Share

Mawu Ruata nukoa e'e tadeau i sire mundea si Sie. Kadongki i sire musombang I Sie su tempo ngi sire kapundeae si Sie. Kateho tuhu hinonge Mawu Ruata ko ta marau bo i kite singkatau-singkatau.

Bou singkatau taumata I Sie nukoa kaul᷊i u bangsa dang nangoro si sire patana su kaul᷊i u dunia. I Sie l᷊ai seng nanantu bou titae, kangereng dang su apa i sire botonge muwiahi.

Mawu Ruata ko nundiadi dunia i'i dingang u patiku tatahoe, seng I Sie e'e Mawu ngu l᷊angi l᷊au dunia. I Sie ta natana su l᷊al᷊ung u manga wal᷊e ngu dewa ko nikoa u taumata.

Watu'u I Sie seng nanantu temponge guna ngu mamariksa kaul᷊i u dunia i'i dingang maadili. Hal᷊i e'e sarung i koa u singkatau ko seng nipile ngu Mawu Ruata guna ngu e'e. Dang tadeau kaul᷊i u taumata mangaking u hal᷊i e'e, Mawu Ruata seng sau nupuwiahi taumata e'e bou papate!”

Inau ual᷊ing i kite ko manga ana u Mawu Ruata, i kite tawe wotonge mupusul᷊ung u Mawu Ruata dingang u patong bou wul᷊aeng arako sal᷊aka arako watu ko nikoa tumuhu kapapande ngu taumata.