Popular Bible Verses from 1 KORINTUS 6

Share

I kumu mambeng matitong himoneu badang i kumu ko tampa katanakeng u Roh u Mawu Ruata. Roh e'e natana su l᷊al᷊ung i kumu. Dang Mawu Ruata sisane ko nunggile Roh e'e si kumu. Watangeng i kumu wal᷊inge we koa i kumu. E'e ko koa u Mawu Ruata. I kumu seng nil᷊uangeng u Mawu Ruata dang seng niwaehang kaul᷊ie. Watu'u e'e koako badangu pakapia sarang makawantughi Mawu Ruata.

Apa i kumu matitong himoneu manga taumata ko ta mutumuhu kao u Mawu Ruata, ta sarung makoa tataho umati Mawu Ruata? Kumbahang kaakal᷊eng! Apang taumata ko mukoa ko l᷊amuhu, apang taumata ko manumba barhala, ko nawuang, manga ko ese ko tahakoa hal᷊i ko makamea su sinsul᷊unge dang parie, ko tahatako, ko mal᷊aanggang, ko babukang, ko makihaghi mupakal᷊al᷊ai u taumata ko wal᷊inge, dingang ko taghunang mupakasusa ngu taumata ko wal᷊inge – kaul᷊i u taumata ko kere'e ta sarung makoa tataho umati Mawu Ruata.

Pakagheako bou manga kakanoa ko l᷊amuhu. Watu'u kaul᷊i u dosa ko wal᷊inge ko nikoa u taumata, nariadi su l᷊ikuru badang u taumata e'e. Arawe taumata ko nukoa ko mal᷊amuhu, mangal᷊enge ko nukoa su watangenge sisane.

Pia ko nangul᷊i uare kaul᷊i u taumata botonge mukoa kaul᷊i u haghi. Kateho si sia wal᷊inge kaul᷊ie pia gunange. Inau maning we ia botonge mukoa kaul᷊i u haghi, kateho ia mandi mupakawala ngu badangku pakikawasa su manga apa.

Mawu Ruata seng nupuwiahi Mawu Yesus bou papate, kere'e l᷊ai Mawu Ruata sarung mupuwiahi kite dingang u kawasang-E.