Popular Bible Verses from Roome 12

Share

Kat gayikari a ɗoo sini, mayakana in arɛɛ kalbiyɛ goŋk a tɔɔmɔk, kɛnɔ ɗegerɛ sinɔ kɛ ɓɛɛlɛ ɗɛyan Waakoyotoŋk ɛkik, sinɔ mentan, ɛ yaa, ɛ daktank.

Agut sini iinak manyaakak eeta sigɛ dooytaanakik, kalɛya kɔnu maariyeet Waakoyotoŋk kɛnɔ wideetari ɛkan goŋk oko uduŋeet sinɔ bɔdɛɛk, ɛ geetitank ɛ boŋu Waakoyot ijaag noŋk sinɛ wɛɛŋakoŋk.

In kɔna yaa ŋaadiyɛɛkɛ sigaagɛ kookorɛɛk, in ɓaŋkaawurɛɛ oolaan rakatɛɛk, in ɗanɗamaakɛɛ ɓɛɛnyɔwɛɛkɛ baŋɛ.

Katni lɔsɛɛ ant sinɔɔnɛ ŋɛɛwɛnŋɔŋk, ma lɔsu any sinɔ ŋɛɛwɛnŋɔŋk ant sinɔɔnɛ mentanŋɔŋk.

In poporiikɛɛ ɛkanɛɛkɛ goŋk mɛyin masiikikeenoŋk, in emɛmɛyikɛɛ ɛkanɛɛkɛ goŋk a kaakalikɛŋ.

Kat mɛyin noŋk lak tagay. In ɓooyɛɛ any sinɔ ŋɛɛwɛŋɔŋk, in gaagamikɛɛ a any sinɔ mentanŋɔŋk.

Ɔkɔn kɔna gayɛ goy noŋkuŋ, nɛ in beeɗɛ a joop baŋɛ bɔdɛɛɗ.

Iinak sigɛ kɔnu poraak, kat tiijiɗikari adaktan, yakana in ŋɔɗɛɛ goopan Waakoyota kɛnɔ ariɗ agut sinɔ tonu Wargatɛ Waakoyotoŋk kɛ, "Tiijiɗika eet, jumura erɛ saak, tonu Suumii."

In ijaagɗikɛɛ a ɓaŋkawuŋ a kat dɔɔtɛyɛɛriɗ. In paakorɛɛ wɛɛŋakɛ, in ijaagɗikɛɛ Suumiya.

Tonɗiika kɔna baŋɛ wookaan sinaanɛkanta gaɓɛɛk kɛnɔ kat koɓiikari ɛkanɛɛkɛ goŋk a kaalɛ sinɛ kɔna ɗɛyɛk, mayakana kɛnɔ in koɓiikɛɛ ɛkanɛɛkɛ goŋk. In rɔmɛɛ ɛkan goŋk ŋaadiyɛɛkɛ sigaagɛkan kɔna gaɓɛ Waakoyotuk.

Kat jumurari eta any sinɔ ŋɛɛwɛnŋɔŋk ant sinɔɔnɛ ŋɛɛwɛnŋɔŋk, in ijaagɛɛ any sinɛ mentanŋɔŋk joope baŋɛ taamɛkɛ.

In lakɛ koɓi sinɔ omoŋɔŋk ɛkanɛɛkɛ goŋk, kat ɓɔŋgɔɔrɛɛ ɛɛk rakaaya. In ɗɛyɛɛ ɓɛɛl a joop sigɛ beeɗii nɛŋk ar ɗookak, ma kat merɛɛ ɛɛk a koɓiir kɛ ɗegerari ɛɛk.

Maɓɔrɛ tonu Wargatɛ Waakoyotoŋk kɛ, "Ɔkɔn gumaaken nookɛ lak ŋaawuŋ, nɛ tigi ɗama, ɛ ɔkɔn lak paarŋ, nɛ tigi maawu, agut sinɔ saa ijaagiɗin any sinik, moɗun sɛɛn maɗ keenyoŋk."

In geetɛɛ joop sigɛ kɔnu epapayark, in geetiɗikɛɛ, ma kat koonyɗikɛɛ. In kɔna yaa a joop sigɛ yaa sɛɛgak, in sanɗikɛɛ a joop sigɛ sanɗiik.

In kɔnyɛɛ joop Waakoyotoŋk ant sinaanɛ sɛɛga ɗɛyɛk, in wɔɔrɛɛ konan.

Eteŋk a omoŋ omoŋ oko sinɛ lakiɗii eek sinɔɔnɛ omoŋɔŋk nyonitaak sigɔ ɓɔɔkaaŋɔŋk, nɛ moko latu nyonitaak sigi ijaag sinɔ omoŋɔŋk, ɛɓɔrɛ eteŋk omoŋ Keresee saa ɓɔɔkaakiɗiik. Eteŋk a omoŋ omoŋ nyonitaak ɛɛk sinɔ omoŋɔŋk.