Popular Bible Verses from Roome 1

Share

Kɛɛte keeny Pɛɛniya sinɔɔna Ɓɛlkɛɛstank, agut sinɔ ege sini ɓaŋkawuka Waakoyotoŋk, sinɛ bɔdɛ joopa sigaaga ŋaadiɗi baŋɛk, tuki nɛɛkɛ joopa Ayuuduk ɛ ɓɔrɛ joopa sigaaga moko Ayuuduk.

Yaaŋɛɛɓa etɛyɛɛt Waakoyotoŋk Pɛɛnii sinɔɔnɛ Ɓɛlkɛɛstank, etɛyɛɛt nɛɛk sinɛ ɓɛɛlɛ ŋaadiyɛɛkɛ tuktant nɔ mɛlɛɛɗa pediyaak, oko sinɛɓa taapɛɛɗɛ kɛ, "Beeɗi iɗit sinɔ mentan taamɛkɛ Waakoyotoŋk ŋaadiyɛɛkɛk."

A tukiɗi saaɓa riiɓeeɗɛɛ ɗook nɛɓa dɛnɛr joop ɗoo a dari a ola sigɛɓa riiɓe Waakoyotuk baŋɛ. Dɛnɛrkan sɛɛk kɛ ɗɔm ɓɛɛlɛt nɛɛk goy ola sigɛɓa riiɓɛɛ sɛɛgik sinɛ kɛɛ taantak a ɓaŋkawuka nɛɛk sinɛkoy nɔkoy nɔkoyk a Waakoyotikeen nɛɛk, kɛnɔ kat lakɛ iɗit sinɔ kol ɛɛk kɛ, "Kaa ɗegerɔɔn Waakoyo olaatɛ baŋɛk."

Agut sinɔ kɛygunɓa aasi ɗegerarkɛ Waakoyoŋ, nɛɓa kirgeeɗ gaɓɛɛɗ eemɛyɔn a pɔɔsiyɛ sigɛ ɗɛyɛ sɛɛnak. Ɓɛɛlɛrɓa koɓiɗa gɛŋk kanysɛya, kilararɓa ɓayɛtun gɛŋk sigɛ kir koɓiitkiŋ.

Agut sinɔ weerɛrɓa eekeer Waakoyotoŋk nyona, ɛ ugumer ɛ ijaagɗi olaata sigaagaɓa riiɓɛɛk ɔɔtɛ Iɗit sinɛɓa riiɓiik, in eemɛyɔn Sɛɛna nɔkoy nɔkoyk. Ameen.

Yaaŋɛ ɛɛk goopan Waakoyotoŋk dari joopa sigaaga ubuŋer eekeer Waakoyotoŋk ŋɛɛwɛnkaat nɛŋk a ant sinɔɔnɛ ɓooyurɗu Waakoyok a ŋɛɛwɛnkaat nɛŋk.

Agut any sini gaɓɛɓa sɛɛg Waakoyot ŋɔɗɔkikeena sinɔɔna keerɛɛŋɔŋk, weerɛrɓa aasi jartiyatɔ ɗuŋun sinɛɓa goorɛk ɗuŋuna sinɔɔna moko sinɛɓa goorɛk, nɛ ɓɔrɛ oko sinik ŋɔɗarɓa mooja ɗuŋun sinɛɓa goorɛk a jartiyatɔk gɛŋk ɛ moɗɛr taarak gɛŋk ɗɛyaan ɛkanɛɛkɛ gɛŋk. Ijaagirɓa joop any sinɔ keerɛŋɔŋk ɛkanɛɛkɛ gɛŋk, ɛ boŋur goopan ɛkanɛɛka gɛŋk oko any sinɛ ijaagirk ŋɛɛwɛnŋɔŋk. Agut sinɔɓa joop kirɗi ɗɛyɛ a ɗegerar Waakoyoŋɔŋk, nɛɓa gaɓɛ sɛɛg kalbiya sinɔɔna ki gayɛk kɛnɔ ijaagir any sinɔ keerɛŋɔŋk, sinɔ gun kɛɛ ijaagɛɛk.

Tonur kɛ ɗegerii ɛɛk, mayakana sɛɛg gaagɛyɛ. Ŋɔɗarɓa ugumeet Waakoyota sinaanakoy ki rerink sinaanakoy nɔkoy nɔkoyk, maɓa ugumergeeɗ jookak sigɔ nyonuk sigɔɓa ijaagɛ a gayi a iɗit sinɔkoy rɛrŋɔŋk a teetɔ a keegu a ola sigɛ pupuuter ɗookuk.