Popular Bible Verses from Omoŋ Korontoosuk 15

Share

Iinak manyaakak eeta sigɛ dooytaanakik sigɛ porɛɛk, In ɛtɛɛ a ɓaŋkawuŋ. Kat ɓeesiɗiikari ant omalte. In ɓaŋkaawurɛɛ otoop kɛnɔ ijaagiir ijaag Suumiyoŋk, a kat yawɛɛriɗ a ɗegerari kɛ moko bɔɔlakari ijaaga Suumiyoŋk kanysɛya.

Yakana in dakɛr pɔɔsiyɛɛk Waakoyota sinaanaɓa tina gaɓɛ lɔsɛ goy Suumi naŋk, Yeese Kereseek.

Kat kɔnu raaramɛɛ. "Piraa sinɔ ŋɛɛwɛnŋɔŋk sɔɔkɛ kalbi sinɛ mentank."

Mayakana wookan Waakoyotoŋk dakɛɗa sinɛ kɔtu ari oko sinɛ ɓɛɛlɛɛɗa sisɔk, mokokanta gaɓɛɛ wookan Waakoyotoŋk kanysɛya, ɛkan ɓɔrɛ bɔɔlaaka ijaag a kaala wosɛytaanak ɔgɔ, mayakana ijaagɗi sini wookan Waakoyotoŋk sinɛ ar sooy lak eetik ma moko eet.

Ɛɓa ɓɔrɛ taapɛɛ kɛ "Iin rer, Lɔsɛ nook eet? Iin rer, Keenɔn nook eet sinɛ suusuwuɗun joopuk?" Keenɔn retoŋk tikiyɛ sinɛ suusuwuɗu joopuk, maɓɔrɛ ɓaŋkawuka tikiyɛɛkoŋk higi.

Tonakɔna any sinɔ dugaaŋɔŋk a omoŋ. Kiikoy rerin eteŋk baŋɛ, mayakana weeriikoy ɛɛk eteŋk baŋɛ. Saakoy gotɛɛɗɛɛ luuri sinɛkoy pediyoŋkuk, nɛkoy ŋaararki joop sigɛɓa rɛrark aɓa kir mojɛ a sɛɛg bɔdtaanak. Gotɛɛkoy luuri nɛɛkiŋ makoy ɓɔre weerii ɛɛk a ito malɛɛ taama.

Oko sinɛɓa mɛlkiɗ ret ete sinaanɛɓa omoŋɔŋk Adameek, ma mɛlki ŋaarin ret walasak ete sinaanɛ omoŋɔŋk Keresee. Oko sinɛ rɛrarɗi joop baŋɛ agut Adamuk, nɛɓɔrɛ laŋir joop baŋɛ bɔdɛ agut Keresee.

Agut sinɔ ɗɛygeeɗ a kadi sinikoy badɛk sinɛkoy ki badɛɛk, maɓɔrɛ kadi sinikoy rɛrk sinɛkoy ki rerink.

Agut sinɔ ɗɛyɛ a tapaaɗani Kereseeŋ mɛlɛɛɗa nɔkoy sɛɛna Waakoyot ariiɗ gumaakeer gɛɛŋk a atu derakɛ gɛɛnɛ goyse ɗeekik. Gumaaken sinɛkoy ranyjɛɛ pediyaak rer.